ରଶ୍ମିକାଙ୍କ ବୟାନକୁ ନେଇ ବିବାଦ

ଅଭିନେତ୍ରୀ ରଶ୍ମିକା ମନ୍ଦାନା ନିଜ ବୟାନ ପାଇଁ ବର୍ତ୍ତମାନ ବିବାଦରେ ଫସିଛନ୍ତି । ନିକଟରେ ବର୍ଖା ଦତ୍ତାଙ୍କୁ ଦେଇଥିବା ଏକ ସାକ୍ଷାତକାରରେ ରଶ୍ମିକା କିଛି ମତ ଦେଇଥିଲେ ଯେଉଁଥିରେ ସେ କହିଥିଲେ କି ସେ ହେଉଛନ୍ତି କୁର୍ଗ ସମ୍ପ୍ରଦାୟର ପ୍ରଥମ ଅଭିନେତ୍ରୀ । ଆଜି ପର୍ଯ୍ୟନ୍ତ କେହି ଏହି ସମ୍ପ୍ରଦାୟରୁ ଫିଲ୍ମ କରିବାକୁ ଆସି ନାହାନ୍ତି । ଲୋକମାନେ ତାଙ୍କୁ ପ୍ରଥମରୁ ଖୁବ ଜଜ୍‌ କରିଥିଲେ ବୋଲି ରଶ୍ମିକା ଏହି ସାକ୍ଷାତକାରରେ ପ୍ରକାଶ କରିଥିଲେ । ତେବେ ଏହାକୁ ନେଇ ସୋସିଆଲ ମିଡିଆରେ ବିବାଦ ଦେଖିବାକୁ ମିଳିଛି । ରଶ୍ମିକାଙ୍କର ଏହି ବୟାନ ମିଛ ବୋଲି ଅନେକ ଲୋକ ପ୍ରକାଶ କରିଛନ୍ତି । ରଶ୍ମିକାଙ୍କ ଆଗରୁ ଗୁଲଶନ ଦୈବେୟା, ନିଧି ସୁବେୟା, ସେରାବନ୍ଦା ପ୍ରେମା ଓ ଶଶିକଲାଙ୍କ ଭଳି ଅଭିନେତ୍ରୀମାନେ ଫିଲ୍ମ ଦୁନିଆରେ କାର୍ଯ୍ୟ କରିଛନ୍ତି । ତେଣୁ ରଶ୍ମିକାଙ୍କର ଏହି ଷ୍ଟେଟମେଣ୍ଟ ପୂରା ମିଛ ବୋଲି ସୋସିଆଲ ମିଡିଆୟୁଜର୍ସ ଦାବି କରିଛନ୍ତି । ନିଜର ଫେମ୍‌ ବଢାଇବା ପାଇଁ ରଶ୍ମିକା ଏଭଳି ମିଛର ସାହାଯ୍ୟ ନେଇଥିବାୟୁଜର୍ସମାନେ ମତ ଦେଇଛନ୍ତି । ରଶ୍ମିକାଙ୍କର ବହୁ ଆଗରୁ ଅର୍ଥାତ ନବେ ଦଶକରେ ଏହି ଅଭିନେତ୍ରୀମାନେ ଅଭିନୟ କରିଥିଲେ ବୋଲି ସୋସିଆଲ ମିଡିଆରେ ତଥ୍ୟ ଦିଆଯାଇଛି । ସେମାନେ ବଲିଉଡ ସହିତ କନ୍ନଡ ଫିଲ୍ମରେ ଅଭିନୟ କରିସାରିଛନ୍ତି । ସେହିଭଳି ରଶ୍ମିକାର ଏଭଳି ମନ୍ତବ୍ୟକୁ ଅଣଦେଖା କରିବାକୁ ଅନୁରୋଧ କରିଛନ୍ତି ଅଭିନେତ୍ରୀ ନିଧି ସୁବୈୟା । ରଶ୍ମିକା ଏପରି କଣ ପାଇଁ କହିଲେ ତାହାର କାରଣ ଜାଣିବାକୁ ସେ ମନା କରିଛନ୍ତି । ତାଙ୍କ ମତରେ ରଶ୍ମିକା ଭଲ କାମ କରୁଛନ୍ତି, ତେଣୁ ସେ ଆଗକୁ ବଢନ୍ତୁ । ସେହିଭଳି ତାଙ୍କ ସମ୍ପ୍ରଦାୟର ନବେ ଦଶକରେ ସୁପରହିଟ୍‌ ହିରୋଇନ୍‌ ଥିଲେ ବୋଲି ନିଧି ପ୍ରକାଶ କରିଛନ୍ତି ।

Govt

Comments are closed.