୨୭ ଜୁନ୍ରେ ବଡ ପରଦାକୁ କମ୍ବ୍ୟାକ କରୁଛନ୍ତି ଫିଲ୍ମ ଅଭିନେତ୍ରୀ କାଜୋଲ । ତାଙ୍କୁ ଫିଲ୍ମ ମା ଜରିଆରେ ଦର୍ଶକ ପୁଣି ପରଦାରେ ଦେଖିବେ । ତେବେ ତାଙ୍କ ଚରିତ୍ରକୁ ନେଇ ବର୍ତ୍ତମାନ ଖୁବ ଚର୍ଚ୍ଚା ଜାରି ରହିଛି । ଏହା କାଜୋଲଙ୍କର ଏକ ନୂଆ ରୂପ ବୋଲି ସମୀକ୍ଷକମାନେ ଚର୍ଚ୍ଚା କରୁଛନ୍ତି । ତେବେ ଏହାରି ଭିତରେ ନିକଟରେ ଅଭିନେତ୍ରୀ ଦେଇଥିବା ଏକ ଷ୍ଟେଟମେଣ୍ଟ ବର୍ତ୍ତମାନ ଭାଇରାଲ ହେଉଛି । ଏଥିରେ ସେ ସ୍ୱାମୀଙ୍କର ଖୁବ ପ୍ରଶଂସା କରୁଥିବାର ଦେଖିବାକୁ ମିଳିଛି । ଅଜୟ ଦେବଗନ ଜଣେ ଭଲ ପ୍ରଯୋଜକ ବୋଲି କାଜୋଲ ମତ ଦେଇଛନ୍ତି । ସେ ନିଜ ଦାୟିତ୍ୱକୁ ଖୁବ ଭଲ ଭାବେ ପରିଚାଳନା କରିଥାଆନ୍ତି । ସେହିଭଳି ଫିଲ୍ମ ସୁଟିଂରେ ମଧ୍ୟ ଅଜୟ ଖୁବ ସାମିଲ ହୋଇଥାଆନ୍ତି । କେଉଁ ସିନ୍ କେଉଁଭଳି ହେଲେ ଦର୍ଶକ ଭଲପାଇବା ଦେବେ ସେନେଇ ଅଜୟ ସବୁବେଳେ ମତ ଦେଇଥାଆନ୍ତି ବୋଲି କାଜୋଲ ମତ ଦେଇଛନ୍ତି । ସେହିଭଳି ସେ ନିଜେ ଏକ ହରର ଫିଲ୍ମରେ କାମ କରିଥିଲେ ବି ରିଅଲ ଲାଇଫ୍ରେ କିନ୍ତୁ ହରର ଫିଲ୍ମ ଦେଖିବାକୁ ଭଲ ପାଇ ନଥାଆନ୍ତି । ଏପରି କି ସେ ବହୁତ କମ ଏହି ଫିଲ୍ମ ଦେଖନ୍ତି ବୋଲି ମତ ଦେଇଛନ୍ତି । ଏହି ସାକ୍ଷାତକାରରେ କାଜୋଲ ଦର୍ଶକଙ୍କୁ ଫିଲ୍ମଟି ଦେଖିବାକୁ ଅନୁରୋଧ କରିଛନ୍ତି । ପୂରାୟୁନିଟ୍ ଫିଲ୍ମକୁ ସଫଳ କରିବାରେ ଖୁବ ପରିଶ୍ରମ କରିଛନ୍ତି, ତେଣୁ ଫିଲ୍ମଟି ଦର୍ଶକଙ୍କୁ ଖୁବ ପସନ୍ଦ ଆସିବ ବୋଲି ସେ ଆଶା କରିଛନ୍ତି ।
Comments are closed.