ଭୁବନେଶ୍ୱର : ମନ୍ତ୍ରୀଙ୍କ ତାଗିଦ ସତ୍ତ୍ୱେ ଜିଦରେ ଅଟଳ ଅମଲା ସଂଘ । ୪ ଦିନ ହେବ ଆନ୍ଦୋଳନରେ ବସିଛନ୍ତି ଅଫିସର । ଧାରଣା ଯୋଗୁଁ ଅଚଳ ପ୍ରଶାସନିକ ବ୍ୟବସ୍ଥା । ଅଫିସରେ ଫାଙ୍କା ପଡିଛି ଚେୟାର । ଅଧିକାଂଶ ଅଫିସରେ ତାଲା ପଡିଥିବାର ଦେଖାଯାଇଛି । ସେପଟେ ଅମଲା ମାନେ ଆନ୍ଦୋଳନରୁ ନ ଓହରିଲେ ସେମାନଙ୍କ ବିରୋଧରେ ସରକାର ଆବଶ୍ୟକ ପଦକ୍ଷେପ ଗ୍ରହଣ କରିବେ ବୋଲି ରାଜସ୍ବମନ୍ତ୍ରୀ ସୁରେଶ ପୂଜାରୀ କହିଛନ୍ତି । ଲୋକଙ୍କ କାମରେ ଅବହେଳା କଲେ ସେମାନଙ୍କ ଦରମା ବନ୍ଦ କରାଯିବ ବୋଲି କଡା ତାଗିଦ୍ କରିବା ପରେ ଆନ୍ଦୋଳନ ଜାରି ରହିଛି । ଲଗାତାର ଚାରି ଦିନ ହେବ ଅମଲା ସଂଘର ଆନ୍ଦୋଳନ ଯୋଗୁଁ ରାଜସ୍ୱ କାର୍ଯ୍ୟାଳୟରେ କାମ ଠପ୍ ହୋଇଯାଇଛି । ଅମଲାଙ୍କ ବିନା ଲୋକଙ୍କ ପାଖରେ ରାଜସ୍ୱ ସେବା ପହଞ୍ଚାଇବା ପାଇଁ ସରକାର ପ୍ରସ୍ତୁତ ହେଉଛନ୍ତି ।
