ଯାଜପୁର : ଯାଜପୁରରେ ଥମୁନାହିଁ ଝାଡ଼ାବାନ୍ତି ଆକ୍ରାନ୍ତଙ୍କ ସଂଖ୍ୟା । ଆଜି ପୁଣି ୧୪ ଜଣ ନୂଆ ରୋଗୀ ଚିହ୍ନଟ ହୋଇଛନ୍ତି । ବର୍ତ୍ତମାନ ହଇଜା ସଂକ୍ରମଣ ଯାଜପୁର ସମେତ ୬ ଟି ଜିଲ୍ଲାକୁ ବ୍ୟାପିଲାଣି । ଏହାକୁ ନେଇ ଆଜି ଘଟଣା ସ୍ଥଳକୁ ଯାଇ ସ୍ଥିତି ସମୀକ୍ଷା କରିଛନ୍ତି ସ୍ୱାସ୍ଥ୍ୟ ସଚିବ ଅଶ୍ୱତି ଏସ. । ସ୍ଥିତିରେ ସୁଧାର ଆଣିବା ପାଇଁ ଯାଜପୁର ଜିଲ୍ଲାପାଳଙ୍କ ସମେତ ବହୁ ବରିଷ୍ଠ ଅଧିକାରୀଙ୍କୁ ନେଇ କରିଛନ୍ତି ସମୀକ୍ଷା ବୈଠକ ।
ରୋଗର ନିୟନ୍ତ୍ରଣ, ନିରାକରଣ ଓ ସଂକ୍ରମଣ ରୋକିବାକୁ ପ୍ରତିଷେଧକ ବ୍ୟବସ୍ଥା ଗ୍ରହଣ ପାଇଁ ଜିଲ୍ଲା ପ୍ରଶାସନ ସହ ଆଲୋଚନା ମଧ୍ୟ କରିଥିଲେ । ୧୪ଜଣିଆ କେନ୍ଦ୍ରୀୟ ଟିମ୍ ଯାଜପୁର ଗସ୍ତରେ ଆସି ସ୍ଥିତି ଉପରେ ସମୀକ୍ଷା କରିଛନ୍ତି । କେଉଁ କାରଣରୁ ଜିଲ୍ଲା ପରେ ଜିଲ୍ଲା ଝାଡ଼ାବାନ୍ତି ବ୍ୟାପୁଛି ତାହାର କାରଣ ସ୍ପଷ୍ଟ ହୋଇନାହିଁ । ତେଣେ ଝାଡ଼ାବାନ୍ତି ଯାଜପୁରରୁ ବ୍ୟାପି ୭ ଟି ଜିଲ୍ଲାକୁ ପ୍ରଭାବିତ କରିଛି । ଢେଙ୍କାନାଳ, କେନ୍ଦ୍ରାପଡା,କଟକ,ଭଦ୍ରକ,କେନ୍ଦୁଝର,ପୁରୀ ଏବଂ କେନ୍ଦ୍ରାପଡ଼ାକୁ ସଂକ୍ରମିତ ହେଲାଣି ।
ଗତକାଲି ଯାଜପୁର ଜିଲ୍ଲାରେ ୨୪୪ ଝାଡାବାନ୍ତି ରୋଗୀ ରହିଥିବା ବେଳେ ଆଜି ଜ଼ିଲ୍ଲାରେ ୨୫୯ ରୋଗୀ ଚିକିତ୍ସିତ ହୋଇଛନ୍ତି । ଆଜି ଦିନକରେ ଜ଼ିଲ୍ଲାରେ ୧୪ ଜଣ ନୂଆ ରୋଗୀ ଚି଼ହ୍ନଟ ହୋଇଛନ୍ତି। ଗତ କାଲି ୨ ଜଣଙ୍କ ଝାଡା ବାନ୍ତି ରେ ମୃତ୍ୟୁ ଘଟିଥିଲା ଏଯାଏଁ ୭ଜଣଙ୍କ ମୃତ୍ୟୁ ହୋଇଛି ।
ସେହିପରି ଗତକାଲି ଗ୍ରାଉଣ୍ଡ ଜିରୋରେ ସ୍ବାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ ପହଂଚି ଯାଜପୁର ମେଡିକାଲ, ବଡ଼ଚଣା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଓ ଧର୍ମଶାଳା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ସ୍ଥିତି ଅନୁଧ୍ୟାନ କରିଥିଲେ । ସଂକ୍ରମିତ ଅଞ୍ଚଳଗୁଡିକରେ ସମସ୍ତ ଷ୍ଟ୍ରିଟ୍ ଫୁଡ ଗୁପଚୁପ, ଚାଟ, ଆଇସକ୍ରିମ କାରଖାନା, ଜଳଖିଆ ଦୋକାନ, ପାଣି ପାଉଚ କାରଖାନା ଏବଂ ପାଣି ପ୍ୟାକେଜିଙ୍ଗ କାରଖାନା ଦୁଇ ସପ୍ତାହ ବନ୍ଦ ପାଇଁ ନିର୍ଦ୍ଦେଶ ଦିଆଯାଇଛି ।
Comments are closed.