IPS ସ୍ତରରେ ଅଦଳ ବଦଳ,ବଦଳିଲେ ଭୁବନେଶ୍ୱର DCP

ଭୁବନେଶ୍ୱର : IPS ସ୍ତରରେ ଅଦଳ ବଦଳ ଇ ଭୁବନେଶ୍ବର ଦାୟିତ୍ବରେ ୪ IPS ଅଫିସର । ବଦଳିଲେ ଭୁବନେଶ୍ୱର ଡିସିପି ପିନାକ ମିଶ୍ର ଇ ତାଙ୍କ ସ୍ଥାନରେ ଜଗମୋହନ ମୀନା ହେଲେ ଭୁବନେଶ୍ୱର ଡିସିପି I ଜଗମୋହନ ମୀନା ଏବେ କଟକ ଡିସିପି ଅଛନ୍ତି । ସେହିପରି DCP ପିନାକ ମିଶ୍ରଙ୍କୁ STF ଡିଆଇଜି ଭାବେ ବଦଳି କରାଯାଇଛି ।

ଅନ୍ୟପଟେ ଅତିରିକ୍ତ ପୋଲିସ କମିଶନର ଉମାଶଙ୍କର ଦାସ ମଧ୍ୟ ବଦଳିଛନ୍ତି । ତାଙ୍କ ସ୍ଥାନରେ ଅବକାରୀ କମିଶନର ଥିବା ନରସିଂହ ଭୋଳଙ୍କୁ ଦାୟିତ୍ଵ ଦିଆଯାଇଛି । ସବୁଠାରୁ ଗୁରୁତ୍ଵପୂର୍ଣ୍ଣ କଥା ହେଲା ତିନି ଯୁବ ଆଇପିଏସଙ୍କୁ ଭୁବନେଶ୍ଵର ଅଣାଯାଇଛି । ଜୟପୁର SDPO ଅଙ୍କିତ କୁମାର ବର୍ମା ଭୁବନେଶ୍ବର ଅତିରିକ୍ତ DCP ହୋଇଥିବାବେଳେ ପଦ୍ମପୁର SDPO ଅମ୍ରିତ ପାଲ୍ କୌରଙ୍କୁ ଭୁବନେଶ୍ବର ADCP ଦାୟିତ୍ବ ମିଳିଛି । ଅଙ୍କିତ କୁମାର ବର୍ମା ଓ ଅମ୍ରିତ ପାଲ୍ କୌର ୨୦୨୧ ବ୍ୟାଚର ଆଇପିଏସ ଅଫିସର ।

ସେହିପରି ବଣାଇ SDPO ସୋନାଲି ସିଂ ପରମାର୍ ହେଲେ ଭୁବନେଶ୍ବର ACP । ସୋନାଲି ସିଂ ପରମାର୍ ୨୦୨୨ ବ୍ୟାଚର ଆଇପିଏସ । ଗତ କିଛି ଦିନ ହେଲା ଭୁବନେଶ୍ୱର ସହରାଞ୍ଚଳ ପୋଲିସ ଜିଲ୍ଲାରେ ଆଇଶୃଙ୍ଖଳା, ଅପରାଧ ନିୟନ୍ତ୍ରଣ ପୋଲିସ ପାଇଁ ବଡ଼ ଚାଲେଞ୍ଜ ହୋଇଛି । ଏହାକୁ ନଜରରେ ରଖି ତିନି ଯୁବ ଆଇପିଏସଙ୍କୁ ଭୁବନେଶ୍ୱର ଅଣାଯାଇଥିବା ଚର୍ଚ୍ଚା ହେଉଛି ।