ପୁରୀ : ଶରଧାବାଲିରେ ଲାଗିଛି ମହାପ୍ରଭୁଙ୍କର ତିନି ରଥ । କାଲି ଅଧାବାଟରେ ବଡଦାଣ୍ଡରେ ଅଟକି ରହିଥିଲେ ମହାପ୍ରଭୁ । ତେବେ ଆଜି ସକାଳୁ ସମସ୍ତ ନୀତି ସମାପନ ହେବା ପରେ ଆରମ୍ଭ ହୋଇଥିଲା ପୁଣି ରଥଟଣା । ଘଣ୍ଟ, ହୁଳୁହୁଳୁ ଓ ହରିବୋଲ ଶବ୍ଦ ଭିତରେ ତିନି ରଥକୁ ଟାଣି ଲଗାଯାଇଥିଲା ଶରଧା ବାଲିରେ । ଶ୍ରୀଗୁଣ୍ଡିଚା ମନ୍ଦିର ସାମ୍ନାରେ ବର୍ତ୍ତମାନ ଅବସ୍ଥାପନ ହୋଇଛନ୍ତି ତିନିରଥ । ତିନିରଥରେ ବିରାଜିତ ହୋଇ ଭକ୍ତଙ୍କୁ ଦର୍ଶନ ଦେଉଛନ୍ତି ଶ୍ରୀଜୀୟୁ । ଗତକାଲି ବଳଭଦ୍ରଙ୍କ ରଥ ଗଡିବା ସମୟରେ ସମସ୍ୟା ଦେଖାଦେଇଥିବାରୁ ରଥଟଣାରେ ବିଳମ୍ବ ଘଟିଥିଲା । ଯାହା ଫଳରେ ତିନୋଟି ରଥ ଅଧା ରାସ୍ତାରେ ଅଟକି ରହିଥିଲେ । ତେବେ ବର୍ତ୍ତମାନ କିନ୍ତୁ ଏଥିରେ ପରିସମାପ୍ତି ଘଟିଛି, ସମସ୍ତ ରଥ ଆସି ଗୁଣ୍ଡିଚା ମନ୍ଦିର ସମ୍ମୁଖରେ ପହଞ୍ଚି ସାରିଛନ୍ତି ।
Comments are closed.