ଆମେରିକା : ଚୀନ ନବବର୍ଷ ପାଳନ ଅବସରରେ କାଲିଫର୍ଣ୍ଣିଆ ଏକ ଡ୍ୟାନ୍ସ କ୍ଳବରେ ଆତତାୟୀର ଆଖିବୁଜା ଗୁଳିମାଡ଼ I ଏଥିରେ ୧୦ ଜଣ ଲୋକ ପ୍ରାଣ ହରାଇଥିବାବେଳେ,ସନ୍ଦିଗ୍ଧ ଆତତାୟୀ ଜଣକ ନିଜକୁ ଗୁଳି କରି ଆତ୍ମହତ୍ୟା କରିଛନ୍ତି I ତାଙ୍କ ବୟସ ୭୨ ବର୍ଷ I ଏକ ଭ୍ୟାନ୍ ନିକଟରୁ ତାଙ୍କ ମୃତଦେହ ଉଦ୍ଧାର କରାଯାଇଥିଲା I
ଘଟନାନୁସାରେ,ଗତ ଶନିବାର ରାତିରେ କାଲଫର୍ଣ୍ଣିଆର ମଣ୍ଟେରୀ ପାର୍କରେ ଥିବା ଏକ ଡ୍ୟାନ୍ସ କ୍ଳବରେ ଚୀନର ଚନ୍ଦ୍ର ନବବର୍ଷ ପାଳନ ପାଇଁ କାର୍ଯ୍ୟକ୍ରମ ଆୟୋଜନ କରାଯାଇଥିଲା। ହଜାର ହଜାର ଲୋକ ଏକାଠି ହୋଇ ଉତ୍ସବ ମନାଉଥିବା ସମୟରେ ଭିଡ଼ ଭିତରେ ହଠାତ ଗୁଳିକାଣ୍ଡ ହୋଇଥିଲା I ଗୁଳିକାଣ୍ଡରେ ଲୋକଙ୍କ ଅତର୍କିତ ଭାବେ ଧାଁ ଦୌଡ଼ କରିଥିଲେ । ଘଟଣା ବିଷୟରେ ପୋଲିସ ଖବର ପାଇଁ ପହଞ୍ଚିବା ପରେ ସ୍ଥିତି ନିୟନ୍ତ୍ରଣ ହୋଇଥିଲା। ଘଟଣାସ୍ଥଳରେ ୧୦ ଜଣଙ୍କର ମୃତ୍ୟୁ ଘଟିଥିବାବେଳେ,ଏକାଧିକ ଲୋକ ଆହତ ହୋଇଛନ୍ତି I ଗୁରୁତର ଆହତଙ୍କୁ ଉଦ୍ଧାର କରି ପୋଲିସ ହସପିଟାଲରେ ଭର୍ତ୍ତି କରାଇଛି । ତେବେ ସୂଚନା ମୁତାବକ, ରାତି ୧୦ଟା ପରେ ଏହି ଗୁଳିକାଣ୍ଡ ହୋଇଥିଲା। ଗୁଳିକାଣ୍ଡ ହୋଇଥିବା ମଣ୍ଟେରୀ ପାର୍କଟି ଲସ ଆଞ୍ଜେଲସ ଠାରୁ ୧୧ କିଲୋମିଟର ଦୂରରେ । ଗଣମାଧ୍ୟମ ରିପୋର୍ଟରେ କୁହାଯାଇଛି ଯେ ଚୀନ ନବ ବର୍ଷ ପାଳନ ବେଳେ ଏକ ଡ୍ୟାନ୍ସ କ୍ଲବରେ ଏହି ଗୁଳି ବିନିମୟ ହୋଇଥିଲା। ଦୁଇ ଦିନିଆ ମହୋତ୍ସବ ଆରମ୍ଭ ପାଇଁ ହଜାର ହଜାର ଲୋକ ଏକତ୍ରିତ ହୋଇଥିଲେ I
ଆମେରିକାର ରାଷ୍ଟ୍ରପତି ଜୋ ବାଇଡେନ ଟ୍ୱିଟ୍ କରି ମୃତାହତଙ୍କ ପାଇଁ ଗଭୀର ଶୋକ ପ୍ରକାଶ କରିଛନ୍ତି ଇ ଏହା ସହିତ ସେ କହିଛନ୍ତି ଯେ ପୋଲିସ ମୋଣ୍ଟେରୀ ପାର୍କରେ ଗତକାଲି ରାତିରେ ଘଟିଥିବା ମରଣାନ୍ତକ ଆକ୍ରମଣ ଘଟଣାରେ ପରିସ୍ଥିତି ଉପରେ ତୀକ୍ଷ୍ଣ ନଜର ରଖିଛି। ଏହି ଘଟଣାରେ ସମ୍ପୃକ୍ତ ବ୍ୟକ୍ତିଙ୍କୁ କଠୋର ଦଣ୍ଡ ଦିଆଯିବ I
ଏହା ପୂର୍ବରୁ ନିକଟରେ କାଲିଫର୍ଣ୍ଣିଆ ଏବଂ ଫ୍ଲୋରିଡାରେ ଗୁଳିକାଣ୍ଡ ଘଟି ଜଣେ ପିଲା ସମତେ ୬ ଜଣଙ୍କର ମୃତ୍ୟୁ ହୋଇଥିଲା। ଆଉ ୮ ଜଣ ଲୋକେ ଆହତ ହୋଇଥିଲେ । ବନ୍ଧୁକଧାରୀ ଘରେ ପଶି ଗୁଳିମାଡ କରିଥିଲେ । କାଲିଫର୍ଣ୍ଣିଆରେ ହୋଇଥିବା ଗୁଳିକାଣ୍ଡରେ ଜଣେ ୧୭ ବର୍ଷୀୟ ମା ସହିତ ତାଙ୍କର ୬ ମାସର ଶିଶୁକୁ ମଧ୍ୟ ଗୁଳିକରି ହତ୍ୟା କରାଯାଇଥିଲା ।
ସେହିଭଳି ଗତ ମେ ମାସ ୨୪ ତାରିଖ ରେ ଟେକ୍ସାସର ଉଭାଲଡେରେ ଜଣେ ସୁଟର ଏକ ପ୍ରାଥମିକ ବିଦ୍ୟାଳୟରେ ୨୨ ଜଣ ଛାତ୍ର ଙ୍କୁ ହତ୍ୟା କରିଥିଲା I ଏହି ଗୁଳିକାଣ୍ଡ ଆମେରିକାର ସବୁଠାରୁ ମାରାତ୍ମକ ଥିଲା।
Comments are closed.