କଟକ : ବକ୍ସ ଡ୍ରେନ୍ ପାଣି ପାଇପ୍ ତଳେ ଚାପି ହୋଇ ଜଣେ କଲେଜ ଛାତ୍ରୀଙ୍କ ମୃତ୍ୟୁ ଘଟଣାକୁ ନେଇ ମେୟର ଓ କମିଶନରଙ୍କୁ ଘେରିଲେ ଲୋକେ I ମୃତ ଛାତ୍ରୀଙ୍କ ପରିବାରକୁ ସମବେଦନା ଜଣାଇବାକୁ ମେୟର ଓ କମିସନର ସେଠାରେ ପହଞ୍ଚି ଥିବା ବେଳେ କଂଗ୍ରେସ ନେତ୍ରୀ ଗିରିବାଳା ବେହେରାଙ୍କ ନେତୃତ୍ବରେ କଂଗ୍ରେସ କର୍ପୋରେଟର ଓ ନେତୃବୃନ୍ଦ ସେମାନଙ୍କୁ ବିରୋଧ କରି ଏହି ଘଟଣାର ଜବାବ ମାଗିଥିଲେ ।
ଅନ୍ୟପଟେ ଗତକାଲିର ଅଘଟଣରେ ପ୍ରାଣ ହରାଇଥିବା ମୃତ ଛାତ୍ରୀଙ୍କ ପରିବାର ପାଇଁ ୧୦ ଲକ୍ଷ ଟଙ୍କାର ସହାୟତା ଘୋଷଣା କରାଯିବା ସହ କାର୍ଯ୍ୟରେ ଅବହେଳା ପାଇଁ ୨ ଯନ୍ତ୍ରୀଙ୍କୁ ସସ୍ପେଣ୍ଡ କରାଯାଇଛି । ସେମାନେ ହେଲେ ସହକାରୀ ଯନ୍ତ୍ରୀ ସଂଜୀବ ପ୍ରଧାନ ଓ ଦିଲୀପ ସାହୁ। ଡ୍ୟୁଟିରେ ଖିଲାପ ନେଇ ସସ୍ପେଣ୍ଡ କଲା ନଗର ଉନ୍ନୟନ ବିଭାଗ I
ସୂଚନାନୁସାରେ,କଟକ ସହରକୁ ସୁନ୍ଦର କରି ଗଢ଼ି ତୋଳିବାକୁ ଗତ ୧୦ ବର୍ଷ ଧରି ଚାଲିଥିବା ଜାଇକା ବ୍ୟବସ୍ଥାର ଅଧାପନ୍ତରିଆ ମନମୁଖୀ କାର୍ଯ୍ୟ ଯୋଗୁଁ ଲମ୍ବି ଚାଲିଛି ଜୀବନହାନିର ତାଲିକା I ଗତ ୨ ଦିନ ମଧ୍ୟରେ ଦୁଇଟି ଜୀବନ ଗଲାଣି I ଗତ କାଲି ୧୭ ବର୍ଷର ଝିଅ ଏନ୍.ମୋହିନୀ ସାଇକେଲ ନେଇ ଟିଉସନ ଯାଉଥିବାବେଳେ,ଡ୍ରେନ୍ ପାଇପ ତଳେ ଘଣ୍ଟାଏ କାଳ ଚାପି ହୋଇ ଛଟପଟ ହେବା ପରେ ହସପିଟାଲରେ ଆଖିବୁଜିଦେଇଥିଲା I ଏହି ଅଘଟଣରେ ପ୍ରାଣ ହରାଇଥିବା ମୃତI ଛାତ୍ରୀଙ୍କ ପରିବାର ପାଇଁ ୧୦ ଲକ୍ଷ ଟଙ୍କାର ସହାୟତା ରାଶି ଘୋଷଣା କରିଛି ସିଏମସି I
Comments are closed.