ଭୁବନେଶ୍ୱର : ରାଜଧାନୀ ୟୁନିଟ – ୪ ସ୍ଥିତ ଏକ ପ୍ରତିଷ୍ଠିତ ସୁନା ଦୋକାନ ଉପରେ ଗତକାଲି ରାତି ପ୍ରାୟ ୧୧ ଟା ସମୟରେ ଦୁର୍ବୁର୍ତ୍ତମାନେ ଆସି ବୋମା ମାଡ଼ କରି ଫେରାର ହୋଇ ଯାଇଛନ୍ତି I ଦୋକାନ ମାଲିକ ଦୋକାନ ବନ୍ଦ କରୁଥିବା ସମୟରେ ଦୁଇଟି ବାଇକରେ ୪ ଜଣ ଦୁର୍ବୃତ୍ତ ଆସି ଅତର୍କିତ ଭାବେ ବୋମା ଫିଙ୍ଗିଥିଲେ । ଏହାପରେ ଘଟଣାସ୍ଥଳରୁ ଚମ୍ପଟ ମାରିଥିଲେ । ବୋମା ମାଡ଼ ଫଳରେ ଦୋକାନୀଜଣଙ୍କ ଗୁରୁତର ଆହତ ହୋଇଛନ୍ତି । ତାଙ୍କ ନାଁ ରମାକାନ୍ତ । ଖବର ପାଇ ଘଟଣା ସ୍ଥଳରେ ଖାରବେଳନଗର ଥାନା ପୋଲିସ ପହଂଚି ତଦନ୍ତ କରିଛି । ବୋମା ଫିଙ୍ଗିବା ପଛର କାରଣ ଜଣାପଡି ନାହିଁ । ଲୁଟ୍ ଉଦ୍ଦେଶ୍ୟରେ ଦୁର୍ବୃତ ଆସିଥିଲେ ନା ବ୍ୟବସାୟିକ ଶତ୍ରୁତା ତାହା ସ୍ପଷ୍ଟ ହୋଇନି । ପୋଲିସ ଏବେ ସ୍ଥାନୀୟ ଅଂଚଳର ସିସିଟିଭି ଫୁଟେଜ ଜବତ କରି ତଦନ୍ତ ଚଳାଇଛି ।
Comments are closed.