ଭୁବନେଶ୍ୱର: ଜାନୁଆରୀ ୦୪: ବାଣୀବିହର ସ୍ଥିତ ଡିସିପି କର୍ଯ୍ୟାଳୟରେ ଏକାଧିକ କରୋନାରେ ସଂକ୍ରମିତ ହେବା ପରେ ବିଏମ୍ସି ଉକ୍ତ କାର୍ଯ୍ୟାଳୟକୁ ସିଲ୍ କରିଛି । ଆଜି ଓ ଆସନ୍ତାକାଲି ଦୁଇ ଦିନ କାର୍ଯ୍ୟାଳୟ ସିଲ୍ ରହିବ । ଏନେଇ ବିଏମ୍ସି ସୂଚନା ଦେଇଛି । ଡିସିପି କାର୍ଯ୍ୟାଳୟ ସିଲ୍ ହେବା ପୂର୍ବରୁ ବିଏମ୍ସି ଦକ୍ଷିଣ ପୂର୍ବ ଜୋନାଲ୍ ଡେପୁଟି କମିଶନରଙ୍କୁ ଏନେଇ ସୂଚନା ଦେଇଥିଲା ।
ଅନ୍ୟପକ୍ଷରେ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଅପରାହ@ ୫ଟାରେ ରାଜ୍ୟରେ କୋଭିଡ୍ ସ୍ଥିତିର ସମୀକ୍ଷା ବୈଠକ ଡକାଇଛନ୍ତି । ରାଜ୍ୟରେ କୋଭିଡର ସ୍ଥିତି କକ୍ଷ’ଣ ରହିଛି , କେତେ ସଂକ୍ରମଣ ବ୍ୟାପୁଛି , ଏନେଇ ଗାଇଡ୍ଲାଇନ୍ କଡ଼ାକଡ଼ି ପାଳନ ହେଉଛି କି ନାହିଁ ଆଦି ସମସ୍ତ ବିଷୟ ଉପରେ ବୈଠକରେ ଆଲୋଚନା ହେବ । ବିଭିନ୍ନ ବିଭାଗର ବରିଷ୍ଠ ଅଧିକାରୀ ବୈଠକରେ ଉପସ୍ଥିତ ରହିବେ ।
୨୪ ଘଣ୍ଟା ମଧ୍ୟରେ ରାଜ୍ୟରେ ୬୮୦ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଚିହ୍ନଟ ସଂକ୍ରମିତଙ୍କ ମଧ୍ୟରୁ ୧୧୯ ଜଣ ୧୮ ବର୍ଷ ବୟସରୁ କମ୍ ବର୍ଗର ରହିଛନ୍ତି । ଆଜିର ସଂକ୍ରମଣଙ୍କ ମଧ୍ୟରୁ ୩୯୭ ଜଣ କ୍ୱାରେଣ୍ଟିନରୁ ହୋଇଥିବାବେଳେ ସ୍ଥାନୀୟ ସଂକ୍ରମଣଙ୍କ ସଂଖ୍ୟା ୨୮୩ ରହିଛି । ଏପର୍ଯ୍ୟନ୍ତ ରାଜ୍ୟରେ କରୋନାରେ ୧୦ ଲକ୍ଷ ୫୬ ହଜାର ୬୬୦ ଜଣ କରୋନାରେ ଆକ୍ରାନ୍ତ ହୋଇସାରିଲେଣି ।
Comments are closed.