ଖପ୍ରାଖୋଲ: ବଲାଙ୍ଗୀର ଜିଲ୍ଲା ଖପ୍ରାଖୋଲ ଅଞ୍ଚଳର କେତେକ ଚାଷ ଜମିରେ ଟମାଟୋ ଚାଷରେ ଝାଉଁଳା ରୋଗ ଦେଖିବାକୁ ମିଳିଛି । ଫଳରେ ଟମାଟୋ ଫସଲ ନଷ୍ଟ ହେବା ସହିତ ଚାଷୀଙ୍କ ରୋଜଗାର ଆଶା ଆଶାରେ ରହିଯାଉଛି । ଖପ୍ରାଖୋଲ ବ୍ଲକ ସଦର ଗାଁ ର ଚାଷୀ ସନ୍ତୋଷ ଗଡ଼ତ୍ୟା ନିଜ ଚାଷ ଜମିରେ ପ୍ରାୟ ଅଧ ଏକର ଜମିରେ ଟମାଟୋ ଚାଷ କରିଥିବା ବେଳେ ଭଳ ଆର୍ଥିକ ଉପାର୍ଜନ ପାଇବାର ଆଶା କରିଥିଲେ ।ହେଲେ ଝାଉଁଳା ରୋଗ ଯୋଗୁଁ ତାଙ୍କ ଆଶା ବି ଝାଉଁଳି ଯାଉଛି । ଟମାଟୋ ଗଛଗୁଡିକରେ ପ୍ରାୟ ଶତାଧିକ ଟମାଟୋ ଫଳି ଥିବା ବେଳେ ଝାଉଁଳା ରୋଗ ଯୋଗୁଁ ତାହା ନଷ୍ଟ ହୋଇଯାଉଛି । ଧାର କରଜ କରି ଚାଷ କରିଥିବାରୁ ସରକାର ଦୃଷ୍ଟି ଦେବାକୁ ଚାଷୀ ଅଭିଯୋଗ କରିଛନ୍ତି ।
ସେହିପରି ବ୍ଲକର ଅନ୍ୟ ଗାଁ ମାନଙ୍କରେ ମଧ୍ୟ ଝାଉଁଳା ରୋଗ ଦେଖିବାକୁ ମିଳିଛି । ଏ ନେଇ ଖପ୍ରାଖୋଲ ବ୍ଲକ ସହକାରୀ ଉଦ୍ୟାନ କୃଷି ଅଧିକାରୀ ଜିନିତା ବରୁଆଙ୍କୁ ପଚାରିବାରୁ ଝାଉଁଳା ରୋଗ ଏକ ବ୍ୟାକଟେରିଆ ରୋଗ ଏହାର ନିରାକରଣ ଔଷଧ ସିଞ୍ଚନରେ ହୋଇ ପାରିବ । ସେହିପରି କ୍ଷୟ କ୍ଷତି ପାଇଁ କ୍ଷେତ୍ର ପରିଦର୍ଶନ ପରେ ଉଚ୍ଚ କର୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରିବି ବୋଲି କହିଥିଲେ ।
Comments are closed.