ନୂଆଦିଲ୍ଲୀ : ପାକିସ୍ତାନର ପୂର୍ବତନ ସାମରିକ ଏକଚ୍ଛତ୍ରବାଦୀ ଶାସକ ଜେନେରାଲ୍ ର୍ପୱେଜ୍ ମୁଶାରଫ୍ଙ୍କ ବିୟୋଗ ପରେ ଦେଇଥିବା ଶୋକବାର୍ତ୍ତା ପାଇଁ ଭୀଷଣ ସମାଲୋଚିତ ହୋଇଥିବା କେରଳ କଂଗ୍ରେସ ସାଂସଦ ଶଶୀ ଥରୁର୍ ରବିବାର ରାତିରେ ପ୍ରତିକ୍ରିୟା ବ୍ୟକ୍ତ କରିବା ସହିତ ସ୍ପଷ୍ଟୀକରଣ ଦେଇଛନ୍ତି । ଶୋକବାର୍ତ୍ତାରେ ସାଂସଦ ଶଶୀ ଥରୁର୍ କହିଥିଲେ: ‘ଶାନ୍ତିର ବାସ୍ତବ ଶକ୍ତି’ । ଏ ସଂକ୍ରାନ୍ତରେ ସ୍ପଷ୍ଟୀକରଣ ଦେଇ ସେ ଟୁଇଟ୍ କରି କହିଛନ୍ତି, ଯେତେ ବେଳେ ଜଣେ ମରିଯାଏ ତାଙ୍କ ବିଷୟରେ ଦୟାର୍ଦ୍ର ଭାବେ କୁହାଯାଉଥିବା ଭାରତରେ ମୁଁ ମଣିଷ ହୋଇଛି । ମୁଶାରଫ୍ ଥିଲେ ଜଣେ ଅକ୍ଷମଣୀୟ ଶ୍ରତୁ ଏବଂ କାର୍ଗିଲ୍ ଯୁଦ୍ଧ ନିମନ୍ତେ ଉତ୍ତରଦାୟୀ ।
କିନ୍ତୁ, ସ୍ୱାର୍ଥ ପାଇଁ ସେ ୨୦୦୨-୭ ପର୍ଯ୍ୟନ୍ତ ସେ ଭାରତ ସହିତ ଶାନ୍ତି ପାଇଁ କାର୍ଯ୍ୟ ବି କରିଛନ୍ତି । ସେ ମିତ୍ର ନ ଥିଲେ କିନ୍ତୁ, ଶାନ୍ତି ଯୋଗୁଁ ହାସଲ କରିହେଉଥିବା ଉପକାର ପ୍ରତି ସଜାଗ ଥିଲେ । ଯେମିତି ଆମେ ସଚେତନ ଅଛନ୍ତି । ରବିବାର ଦିନ ଥରୁର୍ ଶୋକବାର୍ତ୍ତାରେ ଉଲ୍ଲେଖ କରିଥିଲେ ଯେ, ଦିନେ ଭାରତର ଅକ୍ଷମଣୀୟ ଶତ୍ରୁ ଥିବା ବ୍ୟକ୍ତି ୨୦୦୨-୨୦୦୭ ମଧ୍ୟରେ ଶାନ୍ତିର ବାସ୍ତବ ଶକ୍ତି ହୋଇଥିଲେ । ସେତେବେଳେ ପ୍ରତି ବର୍ଷ ମୁଁ ତାଙ୍କୁ ଭେଟୁଥିଲି । ସେ ଥିଲେ ଚଳଚଞ୍ଚଳ, ଆକର୍ଷଣୀୟ ଏବଂ ରଣନୈତିକ ଚିନ୍ତାଧାରାରେ ସ୍ପଷ୍ଟ ।
ସୂଚନାଯୋଗ୍ୟ, ନୱାଜ ସରିଫଙ୍କ ଆମନ୍ତ୍ରଣକ୍ରମେ ଭାରତର ପ୍ରଧାନମନ୍ତ୍ରୀ ଅଟଳବିହାରୀ ବାଜପେୟୀ ୧୯୯୯ରେ ଲାହୋର ଯାଇଥିଲେ। ସେଠାରେ ଦୁଇ ଦେଶ ମଧ୍ୟରେ ଏକ ଘୋଷଣାନାମାରେ ସ୍ବାକ୍ଷର କରାଯାଇଥିଲା। ଦୁଇଦେଶ ମଧ୍ୟରେ ସମ୍ପର୍କକୁ ମଜଭୁତ କରିବା, ସୀମାପାର ଆକ୍ରମଣ ବନ୍ଦ କରିବା, ଯୁଦ୍ଧ ବଦଳରେ ଶାନ୍ତି ପ୍ରତିଷ୍ଠା ପ୍ରତି ଗୁରୁତ୍ବ ଦେବା ଇତ୍ୟାଦି ଥିଲା ଏହାର ଉଦ୍ଦେଶ୍ୟ। କିନ୍ତୁ ଏହାର ମାତ୍ର କେଇ ସପ୍ତାହ ପରେ ମୁସାରଫଙ୍କ ନିର୍ଦ୍ଦେଶରେ ପାକିସ୍ତାନୀ ସେନା ଗୁପ୍ତଭାବରେ ଏବଂ ଛଦ୍ମ ରୂପରେ ନିୟନ୍ତ୍ରଣରେଖା ପାର କରି କାର୍ଗିଲ କ୍ଷେତ୍ରରେ ପ୍ରବେଶ କରିଥିଲେ। ଏହା ଏକ ସଂକ୍ଷିପ୍ତ ଅଥଚ ସାଂଘାତିକ ଯୁଦ୍ଧର ରୂପ ନେଇଥିଲା ଏବଂ ପାକିସ୍ତାନ ସେନାର ଶୋଚନୀୟ ପରାଜୟ ଘଟିଥିଲା। ଭାରତୀୟ ସେନା ଓ ବାୟୁସେନା ଦ୍ବାରା ପାକିସ୍ତାନର ବହୁ ସୈନିକ ନିପାତ ହେଲେ। ଆମେରିକା ରାଷ୍ଟ୍ରପତି ବିଲ୍ କ୍ଳିଣ୍ଟନ ଭାରତର ପକ୍ଷ ନେବାରୁ ଅନ୍ୟ ଉପାୟ ନ ପାଇ ପାକିସ୍ତାନ ସେନା ପ୍ରତ୍ୟାହାର କରିବାକୁ ବାଧ୍ୟ ହେଲା।
ଦୀର୍ଘ ଦିନ ଅସୁସ୍ଥ ରହିବା ପରେ ସଂଯୁକ୍ତ ଆରବ ଏମିରେଟ୍ସ୍ରେ ଥିବା ଗୋଟାଏ ଆମେରିକୀୟ ଡାକ୍ତରଖାନାରେ ରବିବାର ଦିନ ର୍ପୱେଜ୍ ମୁଶାରଫ୍ଙ୍କର ମୃତ୍ୟୁ ଘଟିଥିବା କଥା ‘ଡେଲି ପାକିସ୍ତାନ’ ରିପୋର୍ଟ କରିଥିଲା ।
Comments are closed.