ବଜେଟ ପୂର୍ବରୁ ଜାନୁଆରୀରେ ୨ ଦିନ ରହିବ ବ୍ୟାଙ୍କ ବନ୍ଦ !

ନୂଆଦିଲ୍ଲୀ : ଫେବୃଆରୀ ୧ ରେ ଉପସ୍ଥାପିତ ହେବାକୁ ଯାଉଛି ସାଧାରଣ ବଜେଟ୍ I ଏହା ପୂର୍ବରୁ ୨ ଦିନ ଧରି ଚାଲିବ ବ୍ୟାଙ୍କ ଧର୍ମଘଟ I ବ୍ୟାଙ୍କ କାର୍ଯ୍ୟ ସମ୍ପୂର୍ଣ୍ଣ ଠପ ରହିବ I ଅତ୍ୟାବଶ୍ୟକୀୟ କାର୍ଯ୍ୟ ପାଇଁ ଜନସାଧାରଣ ଯେମିତି ଅସୁବିଧାର ସମ୍ମୁଖୀନ ନହୁଅନ୍ତି ,ସେଥିପାଇଁ ତୁରନ୍ତ କାମ ସାରିବା ପାଇଁ ଗ୍ରାହକଙ୍କୁ ଆଲର୍ଟ କଲା ଏସବିଆଇ I ଯଦି ଆପଣଙ୍କର ବ୍ୟାଙ୍କରେ କୌଣସି ଗୁରୁତ୍ୱପୂର୍ଣ୍ଣ କାର୍ଯ୍ୟ ଅଛି, ତେବେ ଏହାକୁ ତୁରନ୍ତ ସାରିଦିଅନ୍ତୁ Iନଚେତ୍ ଆପଣ ଅସୁବିଧାରେ ପଡ଼ିପାରନ୍ତି I

ଆସନ୍ତା ଜାନୁଆରୀ ୩୦ଏବଂ ୩୧ତାରିଖ ଅର୍ଥାତ୍ ସୋମବାର ଏବଂ ମଙ୍ଗଳବାର ଦିନ ବ୍ୟାଙ୍କ ଧର୍ମଘଟ ହେବାକୁ ଯାଉଛି । ଏହା ଦ୍ୱାରା ବ୍ୟାଙ୍କ କାର୍ଯ୍ୟ ପ୍ରଭାବିତ ହୋଇପାରେ।

ଏହି ପରିପ୍ରେକ୍ଷୀରେ ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ (ଏସବିଆଇ) କହିଛି ଯେ, ଜାନୁଆରୀ ୩୦-୩୧ ରେ ୟୁନିଅନ ଫୋରମ୍ ଅଫ୍ ବ୍ୟାଙ୍କ ୟୁନିଅନ୍ସ ଦ୍ୱାରା ଡକାଯାଇଥିବା ୨ ଦିନିଆ ଧର୍ମଘଟ ସେମାନଙ୍କ ବ୍ରାଞ୍ଚର କାମକୁ ପ୍ରଭାବିତ କରିପାରେ । ଦେଶର ବିଭିନ୍ନ ସ୍ଥାନରୁ ବ୍ୟାଙ୍କ ଶାଖା କର୍ମଚାରୀମାନେ ବ୍ୟାଙ୍କ କର୍ମଚାରୀଙ୍କ ଏହି ଧର୍ମଘଟରେ ଭାଗ ନେବାକୁ ଯାଉଛନ୍ତି। ଯଦି ଗ୍ରାହକମାନଙ୍କର କିଛି କାମ ବ୍ରାଞ୍ଚ ସହିତ ଜଡିତ ଅଛି, ତେବେ ପୂର୍ବରୁ ସମାଧାନ କରିବା ଆପଣଙ୍କ ପାଇଁ ଲାଭଦାୟକ ସାବ୍ୟସ୍ତ ହେବ । ଶାଖାର ସାଧାରଣ କାର୍ଯ୍ୟ ପାଇଁ ଏସବିଆଇ ଆବଶ୍ୟକୀୟ ବ୍ୟବସ୍ଥା କରିଛି। ସେହିଅନୁସାରେ ବ୍ୟାଙ୍କଗୁଡିକ ଗ୍ରାହକଙ୍କୁ ସୂଚନା ଦେଇଛନ୍ତି ଯେ ଜାନୁୟାରୀ ୩୦ ଏବଂ ୩୧ ରେ ଏହି ଧର୍ମଘଟ ଯୋଗୁଁ ଶାଖା କାର୍ଯ୍ୟ ପ୍ରଭାବିତ ହୋଇପାରେ।