ଭୁବନେଶ୍ୱର : ବନ୍ଧା ହେଲେ ପୂର୍ତ୍ତ ବିଭାଗ ସହକାରୀ ନିର୍ବାହୀ ଯନ୍ତ୍ରୀ ଦିଲେଶ୍ବର ମାଝୀ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଟିଟିଲାଗଡ଼ ପୂର୍ତ୍ତବିଭାଗ ସହକାରୀ ନିର୍ବାହୀ ଯନ୍ତ୍ରୀ ଦିଲେଶ୍ୱର ମାଝୀଙ୍କୁ ଗିରଫ କରିଛି ଭିଜିଲାନ୍ସ । ସମ୍ବଲପୁର, ଝାରସୁଗୁଡ଼ା ଓ ବଲାଙ୍ଗିରରେ ଏକକାଳୀନ ୬ଟି ସ୍ଥାନରେ ରେଡ୍ କରାଯାଇଥିଲା । ସରକାରୀ ବାବୁଙ୍କ ଘରୁ ମିଳିଥିଲା ବିଡ଼ା ବିଡ଼ା ଟଙ୍କା ଓ ପୁଳା ପୁଳା ସୁନା । ଫ୍ଲାଷ୍ଟିକ ଡବା ଭିତରେ ପୁଳା ପୁଳା ସୁନା ଗହଣା ଥାକ ମାରି ରଖାଯାଇଥିଲା । ବ୍ରଜରାଜନଗର, ସମ୍ବଲପୁର ଓ ଝାରସୁଗୁଡ଼ାରେ ୯ଟି ପ୍ଲଟ ଠାବ ହୋଇଥିଲା । ବ୍ରଜରାଜନଗରରେ ରହିଛି ଗୋଟିଏ ମାର୍କେଟ କମ୍ପେକ୍ସ । ୫୦ ଲକ୍ଷ ଟଙ୍କାର ବ୍ୟାଙ୍କ ଡିପୋଜିଟ୍ ମଧ୍ୟ ଠାବ ହୋଇଥିଲା । ବେଡ୍ ତଳେ ଥିବା ସିକ୍ରେଟ ଚାମ୍ବରରୁ ମିଳିଥିଲା ୬ଲକ୍ଷ ୫୭ହଜାର ଟଙ୍କା । ସେହିପରି ବାବୁଙ୍କର ଗୋଟିଏ କାର, ୨ଟି ଦୁଇ ଚକିଆ ଗାଡି, ବ୍ୟାଙ୍କ ଜମା ୨୦ ଲକ୍ଷ ଟଙ୍କା ସମେତ ଅନ୍ୟାନ୍ୟ ଜମା ରହିଥିବାର ଜଣାପଡିଥିଲା। ଏହି ଚଢ଼ାଉରେ ଭିଜିଲାନ୍ସ ବିଭାଗର ୫ ଜଣ ଡିଏସପି, ୮ ଜଣ ଇନ୍ସପେକ୍ଟର, ୨ ଜଣ ଏଏସଆଇ ଓ ଅନ୍ୟ ଭିଜିଲାନ୍ସ କର୍ମଚାରୀମାନେ ସାମିଲ ଥିଲେ ।
Comments are closed.