ଉତ୍ତରପ୍ରଦେଶ: ଅପ୍ରେଲ ୨୫: ବହୁ ଚର୍ଚ୍ଚିତ ଲଖିମପୁର ଖେରି ହିଂସା ମାମଲା । ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କ ଆତ୍ମସମର୍ପଣ । ଉତ୍ତରପ୍ରଦେଶର ଗୃହମନ୍ତ୍ରୀ ଅଜୟ ମିଶ୍ରା ଟେନିଙ୍କ ପୁଅ ହିଂସାର ମୁଖ୍ୟ ଅଭିଯୁକ୍ତ ଲଖିମପୁର ନିମ୍ନ ଅଦାଲତରେ ଆତ୍ମସମର୍ପଣ କରିଛନ୍ତି। ଆତ୍ମସମର୍ପଣ ପରେ ଜେଲ୍ ଗଲେ ଅଭିଯୁକ୍ତ । ପୂର୍ବରୁ ଆଶିଷ ମିଶ୍ରାଙ୍କୁ ଆହ୍ଲାବାଦ ହାଇକୋର୍ଟ ଜାମିନ ପ୍ରଦାନ କରିଥିଲେ । ଜାମିନ ପାଇବା ପରେ ମାମଲା ସୁପ୍ରିମକୋର୍ଟ ପହଞ୍ଚି ଯାଇଥିଲା । ତେବେ ସୁପ୍ରିମକୋର୍ଟ ଏହି ଜାମିନକୁ ଖାରଜ କରିଥିଲେ। ତେବେ ତାଙ୍କ ଆତ୍ମସମର୍ପଣ ପରେ ଆଇନଶୃଙ୍ଖଳା ପାଇଁ ବ୍ୟାପକ ପୋଲିସ୍ ମୁତୟନ କରାଯାଇଛି । ପୂର୍ବରୁ ସୁପ୍ରିମକୋର୍ଟ ଜାମିନ ଖାରଜ କରି ସାତ ଦିନ ମଧ୍ୟରେ ଆତ୍ମସମର୍ପଣ କରିବାକୁ ନିର୍ଦ୍ଦେଶ ଦେଇଥିଲେ । ତେବେ ଗତକାଲି ପାଇଁ ସମୟ ଦେଇଥିବା ବେଳେ ଆଜି ଗୋଟିଏ ଦିନ ପୂର୍ବରୁ ସେ ଆତ୍ମସମର୍ପଣ କରିଛନ୍ତି ।
Comments are closed.