ଟ୍ରକକୁ ପଛରୁ ପିଟିଲା ଆଉ ଏକ ଟ୍ରକ ଜଣେ ମୃତ,ଜଣେ ଗୁରୁତର

ଭଦ୍ରକ : ଭଦ୍ରକ ବାସୁଦେବପୁରରେ ମର୍ମନ୍ତୁଦ ଦୁର୍ଘଟଣା । ଟ୍ରକ କୁ ପଛରୁ ପିଟିଲା ଆଉ ଏକ ଟ୍ରକ I ଏଥିରେ ଜଣଙ୍କର ମୃତ୍ୟୁ ଘଟିଥିବା ସହି ଅନ୍ୟଜଣେ ଗୁରୁତର ଆହତ ହୋଇଛନ୍ତି I ଗୁରୁତର ଆହତଙ୍କୁ ଘଟଣା ସ୍ଥଳରୁ ଉଦ୍ଧାର କରାଯାଇ ମେଡିକାଲରେ ଭର୍ତି କରାଯାଇଛି I ଭଦ୍ରକ ଜିଲ୍ଲା ଜାମୁଝାଡି-ଧାମରା ରାସ୍ତା ମନ୍ଦାରିରେ ଏଭଳି ଦୁର୍ଘଟଣା ଘଟିଛି । ବିଳମ୍ବିତ ରାତି ୨ଟାରେ ଏଇଭଳି ଦୁର୍ଘଟଣା ଘଟିଛି I

ସୂଚନା ମୁତାବକ,କେନ୍ଦୁଝରରୁ ଲୁହାପଥର ନେଇ ଧାମରା ବନ୍ଦର ଅଭିମୁଖେ ଯାଉଥିବା ଏକ ଟ୍ରକର ଟାୟାର ଖରାପ ହୋଇଯିବାରୁ ମନ୍ଦାରୀ ନିକଟରେ ଗାଡି ରଖି ହେଲପର ଟାୟାର ଖୋଲୁଥିବା ବେଳେ ଧାମରା ଆସୁଥିବା ଆଉ ଏକ ଟ୍ରଙ୍କ ଭାରସାମ୍ୟ ହରାଇ ରାସ୍ତା କଡରେ ମରାମତି ପାଇଁ ଛିଡା ହୋଇଥିବା ଟ୍ରକକୁ ଧକ୍କା ଦେଇଥିଲା I ବିଳମ୍ବିତ ରାତିରେ ଏହି ଦୁର୍ଘଟଣା ଘଟିଥିବାରୁ ତୁରନ୍ତ ବାସୁଦେବପୁର ଦମକଳ ବାହିନୀଙ୍କୁ ଖବର ଦିଆଯାଇଥିଲା I ସେମାନେ ଆସି ଦୁର୍ଘଟଣାଗ୍ରସ୍ତ ଟ୍ରକ ଭିତରୁ ଡ୍ରାଇଭରଙ୍କୁ ଏବଂ ମୃତ ହେଲପରଙ୍କୁ ଉଦ୍ଧାର କରି ତୁରନ୍ତ ଭଦ୍ରକ ମେଡିକାଲକୁ ନେଇଥିଲେ I ଘଟଣାସ୍ଥଳରେ ବାସୁଦେବପୁର ପୋଲିସ ପହଁଚି ଘଟଣାର ତଦନ୍ତ କରୁଛି I

Govt

Comments are closed.