ବିଶାଖାପାଟନମ: ନଭେମ୍ବର ୨୨: ଆନ୍ଧ୍ରପ୍ରଦେଶରେ ତିନିଟି ରାଜଧାନୀ ରହିବ ନାହିଁ । ଏନେଇ ମୁଖ୍ୟମନ୍ତ୍ରୀ ୱାଇଏସ୍ ଜଗନ ମୋହନ ରେzୀ ଆଜି ବିଧାନସଭାରେ ଏକ କ୍ୟାବିନେଟ ବୈଠକ ଡ଼କାଇ ଘୋଷଣା କରିଛନ୍ତି । ଏଥିସହ ଏହି ଉଦ୍ଦେଶ୍ୟରେ ଆଗତ ବିଲ୍କୁ ଆନ୍ଧ୍ରପ୍ରଦେଶ ସରକାର ଫେରାଇ ନେଇଛନ୍ତି । ବର୍ତ୍ତମାନ ପାଇଁ ରାଜ୍ୟରେ କେବଳ ଗୋଟିଏ ରାଜଧାନୀ ରହିବ ବୋଲି ସରକାର କହିଛନ୍ତି ।
ମୁଖ୍ୟମନ୍ତ୍ରୀ ଜଗନ ମୋହନଙ୍କ ନେତୃତ୍ୱାଧୀନ ଆନ୍ଧୟ୍ରପ୍ରଦେଶ ସରକାର ସୋମବାର, ନଭେମ୍ବର ୨୨ରେ ରାଜ୍ୟର ତିନି ରାଜଧାନୀ ବିଲ୍ ରଦ୍ଦ କରିବାକୁ ନିଷ୍ପତ୍ତି ନେଇଛନ୍ତି । ସୂଚନା ଅନୁସାରେ, ସେ ସରକାର ଆନ୍ଧ୍ର ବିକେନ୍ଦ୍ରୀକରଣ ଏବଂ ସମସ୍ତ ଅଞ୍ଚଳ ବିଲ୍, ୨୦୨୦ର ଅନ୍ତର୍ଭୁକ୍ତ ବିକାଶ ବିଲ୍ ଆଣିଥିଲେ, ଯେଉଁଥିରେ ରାଜ୍ୟ ପାଇଁ ତିନିଟି ରାଜଧାନୀର ପ୍ରସ୍ତାବ ରହିଥିଲା । ବିଶାଖାପାଟନମରେ କାର୍ଯ୍ୟନିର୍ବାହୀ ରାଜଧାନୀ, ଅମରାବତୀରେ ବିଧାନସଭା ରାଜଧାନୀ ଏବଂ କୁର୍ନୁଲରେ ନ୍ୟାୟିକ ରାଜଧାନୀ ରହିବା ସହିତ ଏହାର ଯୋଜନାକୁ ରୂପ ଦିଆ ଯାଇଥିଲା । ଏଥିରେ ମଧ୍ୟ ରାଜ୍ୟକୁ ବିଭିନ୍ନ ଜୋନ୍ରେ ବିଭକ୍ତକରଣ କରିବା ଏବଂ ଜୋନାଲ ଯୋଜନା ଏବଂ ବିକାଶ ବୋର୍ଡ ପ୍ରତିଷ୍ଠା ପାଇଁ ପ୍ରସ୍ତାବ ରହିଥିଲା ।
ତେବେ, ରାଜ୍ୟର ଆଡଭୋକେଟ୍ ଜେନେରାଲ ଏସ୍ ଶ୍ରୀରାମ ଆଜି ଆନ୍ଧ୍ର ହାଇକୋର୍ଟରେ ସରକାରଙ୍କ ସଂପୃକ୍ତ ପ୍ରସ୍ତାବିତ ବିଲ୍ ପ୍ରତ୍ୟାହାର ନିଷ୍ପତ୍ତି ଦାଖଲ କରିଛନ୍ତି । ସୂଚନା ଥାଉଯେ, ଟିଡିପି, ବିଜେପି ଏବଂ ଜନସେନା ଦଳ ଦ୍ୱାରା ତିନିଟି ଆଞ୍ଚଳିକ ରାଜଧାନୀ ପ୍ରତିଷ୍ଠା ବିରୋଧରେ ବିଗତ ୭୦୦ ଦିନରୁ ଅଧିକ ସମୟ ଧରି ବିକ୍ଷୋଭ ପ୍ରଦର୍ଶନ ଚାଲିଥିଲା ।
Comments are closed.