ନୂଆଦିଲ୍ଲୀ : ଏଲୋନ୍ ମସ୍କଙ୍କ ପଥରେ ମାର୍କ ଜୁକରବର୍ଗ I ଟ୍ୱିଟର ପରେ ଏଣିକି ପେଡ୍ ସବସ୍କ୍ରିପ୍ସନ ସେବା ଆରମ୍ଭ କଲା ମାର୍କ ଜୁକରବର୍ଗଙ୍କ ମେଟା କମ୍ପାନୀ I ଫେସବୁକ ମାଲିକ ମାର୍କ ଜୁକରବର୍ଗ ଏହା ଘୋଷଣା କରିଛନ୍ତି। ଖୁବ୍ ଶୀଘ୍ର ଗ୍ରାହକଙ୍କୁ ବ୍ଲୁ ଟିକ୍ ସେବା ପାଇଁ ଫେସବୁକ୍କୁ ଦେୟ ଦେବାକୁ ପଡ଼ିବ I
ଟ୍ୱିଟରରେ ବ୍ଲୁ ଟିକ୍ ପାଇଁ ଏକ ନିର୍ଦ୍ଧାରିତ ପ୍ରାପ୍ୟ ଦେବାକୁ ପଡ଼ିବ ବୋଲି ମସ୍କ ଘୋଷଣା କରିଥିଲେ । ବ୍ଲୁ ଟିକକୁ ନେଇ ଫେସବୁକ ବଡ଼ ଘୋଷଣା କରିବ ବୋଲି ଦୀର୍ଘ ଦିନରୁ ଚର୍ଚ୍ଚା ଲାଗି ରହିଥିଲା । ଏଥିପାଇଁ ମାର୍କ ଜୁକରବର୍ଗଙ୍କ ଟିମ୍ ଦୀର୍ଘ ଦିନ ଧରି ମେଟା ଭେରିଫାଏଡ ଡାଟା ଉପରେ ଗବେଷଣା ମଧ୍ୟ କରୁଥିଲେ । ରବିବାର (ଫେବୃଆରୀ ୧୯ ), ମାର୍କ ଜୁକରବର୍ଗ ଏକ ଫେସବୁକ୍ ପୋଷ୍ଟ ମାଧ୍ୟମରେ ସଦସ୍ୟତା ସେବା ବିଷୟରେ ସୂଚନା ଦେଇଥିଲେ। ଜୁକରବର୍ଗ ପୋଷ୍ଟରେ ଲେଖିଛନ୍ତି ଯେ ଏହି ସପ୍ତାହରେ ଆମେ ମେଟା ଭେରିଫାଏଡ୍, ସବସ୍କ୍ରିପସନ୍ ସେବା ଆରମ୍ଭ କରୁଛୁ ଯାହା ଆପଣଙ୍କୁ ଏକ ସରକାରୀ ଆଇଡି ମାଧ୍ୟମରେ ଆକାଉଣ୍ଟ ଯାଞ୍ଚ କରିବାକୁ ପଡିବ I
ଏଲନ୍ ମସ୍କଙ୍କ ଅଧିନରେ ପରିଚାଳିତ ହେଉଥିବା ଟ୍ବିଟର ପକ୍ଷରୁ ବ୍ଲୁକ୍ ଟିକ୍ ପାଇଁ ୯୦୦ ଟଙ୍କିଆ ମାସିକିଆ ପ୍ଲାନ୍ ଘୋଷଣା କରାଯିବା ପରେ ଏବେ ବିଶ୍ବର ଅନ୍ୟତମ ବୃହତ ସୋସିଆଲ ମିଡିଆ ସଂସ୍ଥା ମେଟା ପକ୍ଷରୁ ନୂଆ ସବ୍ସ୍କ୍ରିପ୍ସନ୍ ପ୍ଲାନ୍ ଘୋଷଣା କରାଯାଇଛି। ‘ମେଟା ଭେରିଫାଏଡ୍’ ନାମକ ଏହି ସବ୍ସ୍କ୍ରିପ୍ସନ୍ ପ୍ଲାନ୍ ଲାଗି ମାସକୁ ୯୮୪ ଟଙ୍କା (୧୧.୯୯ ଡଲାର) ଗଣିବାକୁ ପଡ଼ିବ। ବ୍ୟବହାରକାରୀମାନେ ଯେକୌଣସି ଏକ ସରକାରୀ ପରିଚୟପତ୍ର ଜରିଆରେ ଆକାଉଣ୍ଟ୍କୁ ଫେରିଫାଏ କରିପାରିବେ ଏବଂ ବ୍ଲୁ ବ୍ୟାଜ୍ ପାଇପାରିବେ।
ଉଭୟ ଫେସବୁକ୍ ଓ ଇନଷ୍ଟାଗ୍ରାମ୍ ଲାଗି ଏକକାଳୀନ ଭେରିଫିକେସନ ହେବ। ବ୍ଲୁ ବ୍ୟାଜ୍ ପାଇଥିବା ବ୍ୟବହାରକାରୀଙ୍କୁ କଂପାନି ନକଲି ଆକାଉଣ୍ଟ୍ ସମସ୍ୟାରୁ ସୁରକ୍ଷା ପ୍ରଦାନ କରିବ। ମେଟା ପକ୍ଷରୁ ଆଣ୍ଡ୍ରଏଡ୍ ଓ ଆଇଓଏସ୍ ବ୍ୟବହାରକାରୀଙ୍କ ଲାଗି ଅଲଗା ଅଲଗା ଶୁଳ୍କ ଘୋଷଣା କରାଯାଇଛି। ଚଳିତ ସପ୍ତାହରେ ଅଷ୍ଟ୍ରେଲିଆ ଓ ନ୍ୟୁଜିଲ୍ୟାଣ୍ଡ୍ରେ ମେଟା ଭେରିଫାଏଡ୍କୁ କାର୍ୟ୍ୟକାରୀ କରାଯିବ। ଆଣ୍ଡ୍ରଏଡ୍ ୟୁଜରମାନଙ୍କୁ ମାସକୁ ୧୪ ଦଶମିକ ୯୯ ଡଲାର ବା ୧୨୦୦ରୁ ଅଧିକ ଟଙ୍କା ଏବଂ ୱେବ୍ ୟୁଜରମାନଙ୍କୁ ମାସିକ ୧୧ ଦଶମିକ ୯୯ ଡଲାର ବା ୧ହଜାର ଟଙ୍କା ଦେବାକୁ ପଡ଼ିବ ବୋଲି ଜୁକରବର୍ଗ ତାଙ୍କ ପୋଷ୍ଟରେ ଉଲ୍ଲେଖ କରିଛନ୍ତି ।
Comments are closed.