ଭୁବନେଶ୍ୱର : ରାଜ୍ୟର ସବୁ ନଦୀ ବିପଦ ସଙ୍କେତ ତଳେ ପ୍ରବାହିତ ହେଉଛି । ଆଗାମୀ ୨୪ ଘଣ୍ଟାରେ ମଧ୍ୟରେ ରାଜ୍ୟରେ କୌଣସି ବନ୍ୟା ପରିସ୍ଥିତି ନାହିଁ । ଏନେଇ ଜଳ ସମ୍ପଦ ବିଭାଗର ସର୍ବୋଚ୍ଚ ଯନ୍ତ୍ରୀ ଭକ୍ତ ରଂଜନ ମହାନ୍ତି ସୂଚନା ଦେଇଛନ୍ତି । ବର୍ତ୍ତମାନ ହୀରାକୁଦକୁ ୧.୩୦ଲକ୍ଷ କ୍ୟୁସେକ ଜଳ ପ୍ରବେଶ କରୁଥିବାବେଳେ ୬ଟି ଗେଟ୍ ଦେଇ ୬୦ହଜାର କ୍ୟୁସେକ ଜଳ ନିଷ୍କାସିତ ହେଉଛି । ଆସନ୍ତାକାଲି (ଶନିବାର) ଖଇରମାଳରେ ୨ଲକ୍ଷରୁ ଅଢେଇ ଲକ୍ଷ କ୍ୟୁସେକ ଜଳ ପ୍ରବାହିତ ହେବ । ବ୍ରାହ୍ମଣୀରେ ବନ୍ୟାଜଳ କମୁଥିବା ବେଳେ ବର୍ତ୍ତମାନ ଗୋଟିଏ ଗେଟ୍ ଦେଇ ଜଳ ନିଷ୍କାସନ ହେଉଥିବା ସର୍ବୋଚ୍ଚ ଯନ୍ତ୍ରୀ କହିଛନ୍ତି।
ସେହିପରି ରେଙ୍ଗାଲୀ ଡ୍ୟାମରେ ଜଳ ସ୍ତର ୧୨୨ ମିଟର ରହିଛି । ଏଠାରେ ଗୋଟିଏ ଗେଟ୍ ଦେଇ ବର୍ଷା ଜଳ ପ୍ରବାହିତ ହେଉଛି । ବ୍ରାହ୍ମଣୀରେ ବନ୍ୟାଜଳ କମୁଥିବା ସର୍ବୋଚ୍ଚ ଯନ୍ତ୍ରୀ କହିଛନ୍ତି । ରେଙ୍ଗାଲିକୁ ୨୬୦୦ କ୍ୟୁମେକ ଜଳ ପ୍ରବେଶ କରୁଥିବା ବେଳେ ୨୨୦୦ କ୍ୟୁମେକ ଜଳ ନିଷ୍କାସନ କରାଯାଉଛି । ସେହିପରି ବୈତରଣୀ ଓ ସୁବର୍ଣ୍ଣରେଖାରେ ବନ୍ୟା ପରିସ୍ଥିତି ନାହିଁ ।
ଋଷିକୁଲ୍ୟା, ନାଗାବଳୀ ଓ ବଂଶଧରାରେ ସ୍ଥିତି ସଙ୍ଗୀନ ରହିଛି । ଏଠାରେ ଡ୍ୟାମ ଗୁଡ଼ିକରେ ଜଳ ସ୍ତର ବହୁତ କମ ରହିଛି । ଯଦି ବର୍ଷା ଅଧିକ ହୁଏ ତେବେ ରିଜର୍ଭର ଗୁଡ଼ିକରେ ଜଳ ସଂଗ୍ରହ କରାଯିବ । ଯାହା ଚାଷ ଜମିକୁ ଜଳ ଯୋଗାଇବ ବୋଲି ସର୍ବୋଚ୍ଚ ଯନ୍ତ୍ରୀ କହିଛନ୍ତି ।
Comments are closed.