ଅକ୍ଷୟ କୁମାର ପୁଣି ଥରେ ସିଲଭର୍ ସ୍କ୍ରିନରେ ଏକ ବ୍ରାଣ୍ଡ୍ ନୁ୍ୟ ଫିଲ୍ମ ସହ ଫ୍ଲୋର ଉପରକୁ ଆସିବାକୁ ଯାଉଛନ୍ତି । ବ୍ୟାକ୍ ଟୁ ବ୍ୟାକ୍ ଦୁଇଟି ପ୍ଲଫ୍ ଫିଲ୍ମ ଦେବା ପରେ ଷ୍ଟାର ଅକ୍ଷୟ ତାଙ୍କ ନୂଆ ଫିଲ୍ମକୁ ନେଇ ପୁରା ଜୋଶ୍ରେ ଅଛନ୍ତି । ଫିଲ୍ମର ନାଁ ରହିଛି ‘ରକ୍ଷା ବନ୍ଧନ’ । ଏହା ଏକ ଫ୍ୟାମିଲି ଡ୍ରାମା ଫିଲ୍ମ, ଯେଉଁଥିରେ ଅକ୍ଷୟଙ୍କ ଅପୋଜିଟ୍ ଲିଡ୍ ରୋଲ୍ରେ ଭୂମି ପେଡନେକର ଅଛନ୍ତି । ହିନ୍ଦୀ ସିନେମାରେ ଏକ ଯୁଗ ଥିଲା ଯେତେବେଳେ ପାରିବାରିକ କାହାଣୀକୁ ଦେଖାଯାଉଥିଲା ।
ହେଲେ ଧୀରେ ଧୀରେ ଫିଲ୍ମରୁ ପରିବାର ହିଁ ଗାଏବ ହେବାକୁ ଲାଗିଲା । ହେଲେ ପୁଣି ଥରେ ଫେରିଛି ହିନ୍ଦୀ ସିନେମାର ସେହି ପୁରୁଣା ପରମ୍ପରା । ଚଳିତ ସପ୍ତାହରେ ରିଲିଜ୍ ହେବାକୁ ଥିବା ‘ଜୁଗ୍ ଜୁଗ୍ ଜିୟୋ’ ପରେ ଅକ୍ଷୟ କୁମାରଙ୍କ ଏହି ପାରିବାରିକ କାହାଣୀ ରାକ୍ଷୀ ପୂର୍ଣ୍ଣିମା ଅବସରରେ ୧୧ ଅଗଷ୍ଟକୁ ମୁକ୍ତିଲାଭ କରିବ । ‘ରକ୍ଷା ବନ୍ଧନ’ ଫିଲ୍ମକୁ ଆନନ୍ଦ ଏଲ୍ ରାୟ ନିର୍ଦ୍ଦେଶନା ଦେଇଛନ୍ତି । ବୁଧବାର ଫିଲ୍ମର ଟ୍ରେଲର ରିଲିଜ୍ ହୋଇଛି, ଯାହାକୁ ଦେଖିବା ପରେ ପ୍ରଶଂସକ ମଧ୍ୟ ବେଶ୍ ଉତ୍ସାହିତ ଥିବା ନଜର ଆସୁଛନ୍ତି । ଟ୍ରେଲରକୁ ଦର୍ଶକମାନେ ପସନ୍ଦ କରିବା ସହ ସୋସିଆଲ ମିଡିଆରେ ଟ୍ରେଣ୍ଡ୍ରେ ରହିଛି ।
ଏହାର କାହାଣୀ ଭାଇ-ଭଉଣୀର ସୁନ୍ଦର ସମ୍ପର୍କ ଉପରେ ଆଧାରିତ ହୋଇଛି, ଯେଉଁଥିରେ ଭଲ ପାଇବା ସହ ଝଗଡ଼ା ଓ ମସ୍ତି ଦେଖିବାକୁ ମିଳିଛି । ଅକ୍ଷୟ କୁମାର ଭାଇ ଚରିତ୍ରରେ ଅଛନ୍ତି, ଯିଏ ଚାରି ଭଉଣୀଙ୍କ ବିବାହ କରିବାରେ ଲାଗିଛନ୍ତି । ସେହିପରି କାହାଣୀରେ ଯୌତୁକ ପ୍ରଥାରୁ ଆରମ୍ଭ କରି ପରିବାରର ଛୋଟ ଛୋଟ କଥା ରହିଛି, ଯାହାକୁ ସୁନ୍ଦର ଭାବରେ ପରଦାରେ ଉପସ୍ଥାପନ କରାଯାଇଛି । ଟ୍ରେଲରକୁ ଦେଖିବା ପରେ କୁହାଯାଉଛି ଯେ ଖିଲାଡୀ ଷ୍ଟାର ଅକ୍ଷୟ କୁମାର ପୁଣି ଥରେ ବକ୍ସ ଅଫିସରେ ଧମାଲ କରିବେ । ଏହି କାହାଣୀକୁ ହିମାଂଶୁ ଶର୍ମା ଲେଖିଥିବା ବେଳେ ଅକ୍ଷୟ, ଭୂମିଙ୍କ ବ୍ୟତୀତ ଦୀପିକା ଖନ୍ନା, ସ୍ମୃତି ଶ୍ରୀକଣ୍ଠ, ସାଦିଆ ଖତୀବ ଏବଂ ସହଜମୀନ କୌର ମୁଖ୍ୟ ଚରିତ୍ରରେ ଅଛନ୍ତି ।
Comments are closed.