ନୂଆଦିଲ୍ଲୀ : ବଲିଉଡ ଅଭିନେତ୍ରୀ ଐଶ୍ୱର୍ଯ୍ୟା ରାୟ ବଚ୍ଚନ ଏବଂ ଅଭିଷେକ ବଚ୍ଚନ ୟୁଟୁବ୍ୟ ଏବଂ ଏହାର ମୂଳ କମ୍ପାନି ଗୁଗ୍ଲ ବିରୋଧରେ ୪ କୋଟି ଟଙ୍କାର କ୍ଷତିପୂରଣ ଦାବି କରି ଏକ ମାମଲା ଦାଏର କରିଛନ୍ତି। ଐଶ୍ୱର୍ଯ୍ୟା ରାୟ ଏବଂ ଅଭିଷେକ ବଚ୍ଚନଙ୍କ ବ୍ୟକ୍ତିତ୍ୱ ଅଧିକାରକୁ ସୁରକ୍ଷା ଦେବା ପାଇଁ ଦିଲ୍ଲୀ ହାଇକୋର୍ଟଙ୍କ ଏକ ସାମ୍ପ୍ରତିକ ନିର୍ଦ୍ଦେଶ ପରେ, ପ୍ଲାଟଫର୍ମରେ ସେମାନଙ୍କର ଏଆଇ ଜେନେରେଟେଡ୍ ଡିପ୍ ଫେକ୍ ଭିଡିଓର ଏକ ସିରିଜ୍ ପ୍ରକାଶ ପାଇବା ପରେ ଏହି ଦମ୍ପତିଙ୍କ ଆଇନଗତ ପଦକ୍ଷେପ ଆସିଛି। ରଏଟର୍ସ ଦ୍ୱାରା ସମୀକ୍ଷା କରାଯାଇଥିବା ଆଇନଗତ କାଗଜପତ୍ର ଅନୁଯାୟୀ , ଏହି ମାମଲାଟି ‘ଗମ୍ଭୀର’ ଏବଂ ଏଆଇ ଉତ୍ପନ୍ନ ବିଷୟବସ୍ତୁକୁ ଟାର୍ଗେଟ କରୁଛି। ବଚ୍ଚନ ଦମ୍ପତି ଯୁକ୍ତି ଦେଇଛନ୍ତି ଯେ ୟୁଟ୍ୟୁବ୍ ସୁରକ୍ଷା ବ୍ୟବସ୍ଥା ପ୍ରଚଳନ କରିବା ଉଚିତ ଯାହା ଦ୍ଵାରା ସେମାନଙ୍କ ନାମ, ସ୍ୱର କିମ୍ବା ପ୍ରତିଛବିର ଅପବ୍ୟବହାର କରୁଥିବା ଯେକୌଣସି ସାମଗ୍ରୀ କୃତ୍ରିମ ବୁଦ୍ଧିମତ୍ତା ଦ୍ୱାରା ଶୋଷଣ ହୋଇପାରିବ ନାହିଁ। ସେମାନଙ୍କର ମତ ହେଉଛି ଯେ ବର୍ତ୍ତମାନର ପ୍ଲାଟଫର୍ମ ନୀତିଗୁଡ଼ିକ ଏଆଇ ପ୍ରଯୁକ୍ତିବିଦ୍ୟା ବିକଶିତ ହେବା ସହିତ ଆହୁରି ଅପବ୍ୟବହାରକୁ ଅନୁମତି ଦିଏ।
