ନୂଆଦିଲ୍ଲୀ : ଏୟାର ଇଣ୍ଡିଆ ବିମାନରେ ଦେଖା ଦେଇଛି ଗୋଟିଏ ପରେ ଗୋଟିଏ ସମସ୍ୟା । ପୁଣି ଏକ ଏୟାର ଇଣ୍ଡିଆ ବିମାନରେ ଯାନ୍ତ୍ରିକ ତ୍ରୁଟି । ଅହମ୍ମଦାବାଦରୁ ଲଣ୍ଡନ ଯାଉଥିବା ଏୟାର ଇଣ୍ଡିଆ ବିମାନରେ ଯାନ୍ତ୍ରିକ ତ୍ରୁଟି ଦେଖାଦେବାରୁ ବାତିଲ ହୋଇଛି ବିମାନ ସେବା । ଅହମ୍ମଦାବାଦ ବିମାନ ଦୁର୍ଘଟଣା ପରେ ପ୍ରଥମ ଥର ଲଣ୍ଡନ ଅଭିମୁଖେ ଯାଉଥିବା ଏୟାର ଇଣ୍ଡିଆ ବିମାନ ଉଡାଣ ବାତିଲ କରାଯାଇଛି । ଏଥିଯୋଗୁଁ ୨୦୦ ବିମାନ ଯାତ୍ରୀ ସେବା ପ୍ରଭାବିତ ହୋଇଛି ।
ଅନ୍ୟପଟେ ପୁଣି ଥରେ ବିମାନରେ ବୋମା ଧମକ ମିଳିବା ପରେ ଜରୁରୀକାଳୀନ ଅବତରଣ କରିଛି । ଏହି ବିମାନ କୋଚିରୁ ଦିଲ୍ଲୀ ଅଭିମୁଖେ ଯାତ୍ରା କରୁଥିଲା । ବୋମା ଧମକ ମିଳିବା ପରେ ବିମାନକୁ ନାଗପୁରରେ ଜରୁରୀକାଳୀନ ଅବତରଣ କରିବାକୁ ପଡିଛି । ଏହି ବିମାନ ଇଣ୍ଡିଗୋ ଏୟାରଲାଇନ୍ସର । ଗତ ପାଞ୍ଚ ଦିନରେ ବିମାନରେ ବୋମା ଧମକ ମିଳିବାର ଏହା ତୃତୀୟ ଘଟଣା । ଏହା ପୂର୍ବରୁ ସୋମବାର ଲୁଫତାଂସାର ବିମାନକୁ ମଧ୍ୟ ବୋମାର ଧମକ ମିଳିଥିଲା । ଏହି ବିମାନ ଜର୍ମାନୀର ଫ୍ରାଙ୍କଫର୍ଟରୁ ହାଇଦ୍ରାବାଦ ଅଭିମୁଖେ ଯାତ୍ରା କରୁଥିିଲା । ପୁଣି ଶୁକ୍ରବାର ଫୁକେଟ ରୁ ଉଡାଣ ଭରିଥିବା ଏୟାର ଇଣ୍ଡିଆର ବିମାନକୁ ମଧ୍ୟ ବୋମାର ଧମକ ମିଳିଥିଲା । ଏହା ପରେ ବିମାନକୁ ପୁଣି ଫୁକେଟ ବିମାନ ବନ୍ଦରରେ ଅବତରଣ କରାଯାଇଥିଲା ।
Comments are closed.