ମୁମ୍ବାଇ: ରୋଶନ ପରିବାର ବଲିଉଡ୍ର ଏକ ଜଣାଶୁଣା ପରିବାର । ଏହି ପରିବାର ସହ ବି-ଟାଉନ୍ ସମ୍ପର୍କ ବେଶ୍ ପୁରୁଣା । ତେବେ ଏହି ରୋଶନ ପରିବାର ତାଲିକାରେ ଆଉ ଜଣେ ସାମିଲ ହେବାକୁ ଯାଉଛନ୍ତି । ରାଜେଶ ରୋଶନଙ୍କ ଝିଅ ପଶମୀନା ରୋଶନ ଖୁବ୍ ଜଲଦି ବି ଟାଉନ୍ରେ ପାଦ ଦେବାକୁ ଯାଉଛନ୍ତି ।
ପଶମୀନାଙ୍କୁ ଖୁବ ଜଲଦି ସିନେମା ‘ଇଶକ୍ ବିଶ୍କ ରିବାଉଣ୍ଡ’ରେ ଦେଖିବାକୁ ମିଳିବେ । ପଶମୀନା ହ୍ରିତିକ୍ଙ୍କର ଉଭଣୀ ହୋଇଥିବାବେଳେ ରାକେଶ ରୋଶନଙ୍କର ଝିଆରୀ । ଅନେକ ସମୟରେ ପଶମୀନାଙ୍କୁ ହ୍ରିତିକ୍ଙ୍କ ସହିତ ଦେଖିବାକୁ ମିଳିଥାଏ । ତେବେ ପଶମୀନା ଅଭିନୟ ସହିତ ଏକ ସ୍ପେସାଲ ଟ୍ରେନିଂ ମଧ୍ୟ ନେଇଛନ୍ତି ।
ସେହିଭଳି ସେ ଥିଏଟରରେ ଅଭିନୟ ମଧ୍ୟ କରନ୍ତି । ସୋସିଆଲ ମିଡିଆରେ ସେ ସର୍ବଦା ସକ୍ରିୟ ରହିଥାଆନ୍ତି । ନିଜର ବଲିଉଡ ଡେବୁ୍ୟକୁ ନେଇ ବେଶ୍ ଉତ୍ସାହିତ ଅଛନ୍ତି । ୨୦୦୩ରେ ସାହିଦ୍ଙ୍କର ଆସିଥିବା ଇଶକ୍ ବିଶକ୍ରେ ଭରପୂର ରୋମାନ୍ସ ଦର୍ଶକ ଦେଖିବାକୁ ପାଇଥିଲେ ।
ସେଥିରେ ଅମ୍ରିତା ରାଓଙ୍କ ସହ ସାହିଦ୍ କପୁର ନଜର ଆସିଥିଲେ । ତେବେ ରିବାଉଣ୍ଡରେ ମଧ୍ୟ ଦର୍ଶକ ସେହିଭଳି କିଛି ତଡକା ଦେଖିବାକୁ ପାଇବେ ବୋଲି ଆଶା ରଖିଛନ୍ତି । ଏଥିରେ ପଶମୀନାଙ୍କ ସହିତ ରୋହିତ ସରାଫ, ଜିବ୍ରାନ ଖାନ, ନାଇଲା ଗ୍ରୋବାଲ ଲିଡ୍ ରୋଲରେ ନଜର ଆସିବେ ।
Comments are closed.