ଖଲ୍ଲିକୋଟ : ପୂର୍ବ ଶତ୍ରୁତାରୁ ରାସ୍ତାରେ ଗଡ଼ିଲା ମୁଣ୍ଡ I ଦୁର୍ଦ୍ଦାନ୍ତ ଅପରାଧୀ ରବି ଦାସକୁ ବିଚ ରାସ୍ତାରେ ହାଣି ହତ୍ୟା କରାଯାଇଛି । ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ହରିପୁର ଗାଁର ଅପରାଧୀ ରବି ଦାସକୁ ତା’ର ଦୁଇ ଜଣ ପୁତୁରା ହତ୍ୟା କରିଥିବା ଜଣାପଡିଛି । ହତ୍ୟା ପରେ ବୋମା ଫୁଟାଇ ଫେରାର ହୋଇଗଲେ ହତ୍ୟା କରିବାକୁ ଆସିଥିବା ୪ ଜଣ ଦୁର୍ବୃତ୍ତ । ଘଟଣାସ୍ଥଳରେ ଖଲ୍ଲିକୋଟ ଥାନା ପୋଲିସର ତଦନ୍ତ ଜାରି ରହିଛି । ମୃତକ ୩ ମାସ ତଳେ ଜେଲରୁ ଫେରିଥିବାବେଳେ ତାଙ୍କ ନାଁ ରେ ବିଭିନ୍ନ ଥାନାରେ ମାମଲା ରହିଛି ।
ସୂଚନାନୁସାରେ,ଖଲ୍ଲିକୋଟ ଥାନା ହରିପୁର ଗାଁର ରବି ଦାସଙ୍କ ସହିତ ପୂର୍ବରୁ ୨ ପୁତୁରାଙ୍କର ତିକ୍ତତା ଲାଗିରହିଥିଲା । ଘଟଣାଦିନ ରବି ଦାସ ଗାଁ ରାସ୍ତାରେ ଯାଉଥିବା ବେଳେ ଖଲ୍ଲିକୋଟ ଥାନା ହରିପୁର ଗାଁ ନିକଟରେ ତାଙ୍କ ୨ ପୁତୁରାଙ୍କ ସହିତ ଅନ୍ୟ ୨ ସହଯୋଗୀ ମିଶି ଖଣ୍ଡାରେ ହାଣି ହତ୍ୟା କରି ଘଟଣାସ୍ଥଳରେ ବୋମା ଫିଙ୍ଗି ଫେରାର ମାରିଛନ୍ତି । ସେପଟେ ହତ୍ୟାକାଣ୍ଡ ସଂପର୍କରେ ଖବର ପାଇ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ଛାନ୍ଭିନ୍ ଜାରି ରଖିଛି । ହେଲେ ବର୍ତ୍ତମାନ ଯାଏଁ କୌଣସି ଅଭିଯୁକ୍ତ ଗିରଫ ହୋଇଥିବା ଜଣାପଡିନାହିଁ ।
Comments are closed.