ପରିବାରକୁ ସଂଘବଦ୍ଧ ଆକ୍ରମଣ

ରାଜନଗର : ଗୋଟିଏ ପରିବାରକୁ ସଂଘବଦ୍ଧ ଆକ୍ରମଣ । ପ୍ରାୟ ୩୦ରୁ ୪୦ ଜଣ ଯୁବକ ଆକ୍ରମଣ କରିବା ସହ ଘର ଉପରକୁ ଢେଲାମାଡ କରିଛନ୍ତି । କେନ୍ଦ୍ରାପଡ଼ା ଜିଲ୍ଲା ରାଜନଗର ଥାନା ଚମ୍ପାଦିଆ ଗାଁରୁ ଆସିଛି ଏପରି ଅଭିଯୋଗ । ଗତକାଲି ବିଳମ୍ବିତ ରାତିରେ କିଛି ଯୁବକ ଏକ ପରିବାରକୁ ଆକ୍ରମଣ କରିଛନ୍ତି । ଘର ଉପରକୁ ଢେଲାମାଡ,ଘର ଝରକା ଏବଂ ବାହାରେ ଥିବା ୩ ବାଇକ୍ କୁ ବାଡ଼େଇ ଭାଙ୍ଗିଦେଇଛନ୍ତି ଉତ୍ତ୍ୟକ୍ତ ଲୋକ ।
ଅଭିଯୋଗ ହୋଇଛି, ଦୁଇ ଜଣ ବ୍ୟକ୍ତି ସ୍ଥାନୀୟ ଦିଲ୍ଲୀପ ସାହୁଙ୍କ ଗାଡି ଚୋରି କରିବାକୁ ଉଦ୍ୟମ କରୁଥିଲେ । ଧରାପଡିବାରୁ ଭୁଲ ସ୍ବୀକାର କରି ଚାଲିଯାଇଥିଲେ । ଏହା ପରେ ହୋଇଥିଲା ମହାଭାରତ । ହଠାତ ଏକାଧିକ ଲୋକ ଆସି ଦିଲ୍ଲୀପଙ୍କ ଘର ଏବଂ ପରିବାର ଉପରକୁ ଆକ୍ରମଣ କରିଥିଲେ । ଭୟଭୀତ ଅବସ୍ଥାରେ ପରିବାର ଲୋକେ ଭିଡିଓ କରି ଉଦ୍ଧାର ପାଇଁ ନିଦେବନ କରିଥିଲେ ।