ଅସୁସ୍ଥ ବାପାଙ୍କୁ ଲିଭର ଦାନ କଲା ୧୭ ବର୍ଷର ଝିଅ

ତ୍ରିଚୁର : ପିତାମାତାଙ୍କଠାରୁ ଦୁନିଆରେ ଆଉ କିଛି ବଡ଼ ନୁହେଁ । ମା’ର କୋଳ ପିଲାଙ୍କୁ ଅଭୟ ଆଶ୍ରୟ ଦେଉଥିବା ବେଳେ ବାପାଙ୍କ ହାତ ମୁଣ୍ଡ ଉପରେ ଛାତ ସଦୃଶ ହୋଇଥାଏ I ଗୋଟେ ସନ୍ତାନ ପାଇଁ ଉଭୟଙ୍କ ଉପସ୍ଥିତି ହିଁ ତା ପାଇଁ ସବୁକିଛି । ତେଣୁ ଜୀବନରେ ପିତୃ,ମାତୃ ଋଣ କେହି ସୁଝି ପରି ନଥାନ୍ତି I ବାପା ,ମା’ ଜୀବନରେ ହୋଇଥାନ୍ତି ଅମୁଲ୍ୟ ସମ୍ପଦ I ଏହି କଥାକୁ ପ୍ରମାଣିତ କରି ଦେଖାଇଛନ୍ତି ଜଣେ ୧୭ ବର୍ଷର ଝିଅ I ଯିଏ ନିଜ ଜୀବନକୁ ଖାତିର ନକରି ପିତାଙ୍କ ଜୀବନ ବଞ୍ଚାଇବାକୁ ନିଷ୍ପତ୍ତି ନେଇଥିଲେ I କେରଳର ଦ୍ୱାଦଶ ଶ୍ରେଣୀରେ ପଢ଼ୁଥିବା ଛାତ୍ରୀ ଦେବନନ୍ଦା ତାଙ୍କ ଅସୁସ୍ଥ ପିତାଙ୍କୁ ନିଜ ଲିଭର ଦାନ କରିଛନ୍ତି I ଏହା କରି ସେ ଦେଶର ସର୍ବକନିଷ୍ଠ ଅଙ୍ଗ ଦାତା ହୋଇପାରିଛନ୍ତି।

କେରଳର ତ୍ରିଚୁରରେ ରହୁଥିବା ଦେବାନନ୍ଦାଙ୍କ ପିତା ପ୍ରତୀଶ (୪୮) ଏକ କାଫେ ଚଳାନ୍ତି I ଗତବର୍ଷ ହଠାତ ତାଙ୍କର ଶରୀର ଅସୁସ୍ଥ ହେଲା I ସେହି ସମୟରେ ଦେବାନନ୍ଦା ଙ୍କର ଜଣେ ଭଉଣୀଙ୍କର ମଧ୍ୟ ସ୍ତନ କର୍କଟରେ ମୃତ୍ୟୁ ଘଟିଥିଲା I ଏହି ଅଘଟଣ ପରେ ପ୍ରିତିଶ ଙ୍କ ଅସୁସ୍ଥତା ପ୍ରତି କାହାରି ଧ୍ୟାନ ରହି ନଥିଲା i ପ୍ରୀତିଶ ଅସୁସ୍ଥ ରହି ତାଙ୍କ ଗୋଡ଼ରେ ପାଣି ଜମି ଯାଇଥିଲା। ତାଙ୍କ ସ୍ୱାସ୍ଥ୍ୟ ମଧ୍ୟ ହଠାତ ୨୦ କିଲୋ ବୃଦ୍ଧି ପାଇଥିଲା I ଏହା ଦେଖି ପରିବାର ଲୋକେ ପ୍ରିତିଶଙ୍କର ସ୍ୱାସ୍ଥ୍ୟ ପରୀକ୍ଷା କରାଇଥିଲେ ମାତ୍ର ରିପୋର୍ଟ ସବୁ ନର୍ମାଲ ଆସିଥିଲା I ଏହାପରେ ତାଙ୍କୁ ପୁଣି ସିଟି ସ୍କାନ କରାଯାଇଥିଲା I ଏଥିରୁ ସେ ଯକୃତ ଜନିତ କ୍ୟାନସରରେ ପୀଡ଼ିତ ଥିବା ଜଣା ପଡିଥିଲା I ମାତ୍ର ସେତେଵେଳକୁ ରୋଗ ଖୁବ ବଢିଯାଇଥିଲା I ଏହାର ଏକମାତ୍ର ବିକଳ୍ପ ଥିଲା ତାଂକର ଲିଭର ଟ୍ରାନ୍ସପ୍ଲାଣ୍ଟ I ଏହା ଅତ୍ୟଧିକ ବ୍ୟୟ ସାପେକ୍ଷ ହେବା ସାଙ୍ଗକୁ ତାଂକର ରେୟାର ବ୍ଲଡ଼ଗ୍ରୁପ ଲିଭର ଡନୋରଙ୍କ ପାଇଁ ବାଧକ ସୃଷ୍ଟି କରିଥିଲା I ପ୍ରିତିଶଙ୍କର ବ୍ଲଡ଼ ଗ୍ରୁପ -ବି ଥିଲା I ତେଣୁ ଏହି ବ୍ଲଡ଼ ଗ୍ରୁପ ର ଅଙ୍ଗଦାନ କାରୀ ମିଳିବ କଷ୍ଟ କର I ଦୁର୍ଦ୍ଦିନ ସମୟରେ ପରିବାର ଲୋକ ଦୁଃଖରେ ଭାଙ୍ଗି ପଡ଼ିଥିଲେ। ଏହି ସମୟରେ ବାପାଙ୍କ ଜୀବନ ବଞ୍ଚାଇବାକୁ ଆସିଥିଲା ପ୍ରୀତିଶ ଙ୍କର ୧୭ ବର୍ଷୀୟ ଝିଅ ଦେବାନନ୍ଦା I ତାଙ୍କଓ ୟୁନିଭର୍ସାଲ ବ୍ଲଡ଼ ଗ୍ରୁପ ଓ+ ଥିଲା I ଏହି ଏକ ମାତ୍ର ବ୍ଲଡ଼ ଗ୍ରୁପ ଯାହା କି ସମସ୍ତଙ୍କ ଠାରେ ବ୍ୟବହାର ହୋଇ ପାରିବ I

ମାତ୍ର ଏହି ସମୟରେ ଆଇନ ସାଜିଥିଲା ବାଧକ I ଝିଅ ନାବାଳିକା ଥିବାରୁ ଡାକ୍ତରମାନେ ରାଜି ହୋଇ ନଥିଲେ ଅଙ୍ଗଦାନ ପାଇଁ I କାରଣ ଦେଶ ରେ ନାବାଳିକାଙ୍କୁ ଅଙ୍ଗଦାନ କରିବା ପାଇଁ ଅନୁମତି ଦିଆଯାଇନାହିଁ I ଶେଷରେ ଦେବାନନ୍ଦା କେରଳ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ। କୋର୍ଟ ତାଙ୍କ ଆବେଦନକୁ ଶୁଣିବା ପରେ ଅଙ୍ଗଦାନ ପାଇଁ ଅନୁମତି ଦେଇଥିଲେ।

ଅଙ୍ଗଦାନ ପୂର୍ବରୁ ପରୀକ୍ଷାରୁ ଜଣ ପଡିଥିଲା ଦେବା ନନ୍ଦାଙ୍କର ମଧ୍ୟ ଲିଭର ଦୁର୍ବଳ ଥିଲା I ତେଣୁ ସେ ଡାକ୍ତରଙ୍କର ପରାମର୍ଶ ମାନି ନିୟମିତ ନିଜ ଯକୃତକୁ ଠିକ୍ ରଖିବା ପାଇଁ ସେ ନିଜର ଖାଦ୍ୟ ଉପରେ ସ୍ୱତନ୍ତ୍ର ଧ୍ୟାନ ଦେବା ସହ ଜିମରେ ୱାର୍କ ଆଉଟ କରିଥିଲେ। ଏହାପରେ ଅଙ୍ଗ ପ୍ରତିରୋପଣ ପାଇଁ ଆରମ୍ଭ ହୋଇଥିଲା ପ୍ରକ୍ରିୟା। ଆଲୁଭାର ରାଜଗିରି ହସ୍ପିଟାଲର ଗୋଟିଏ ଡାକ୍ତରୀ ଟିମ୍ ସଫଳତାର ସହ ତାଙ୍କ ଲିଭରର କିଛି ଅଂଶ ବାହାର କରି ବାପା ପ୍ରତୀଶଙ୍କ ଠାରେ ପ୍ରତିରୋପଣ କରିଥିଲେ। ଏବେ ଉଭୟ ବାପା-ଝିଅ ସୁସ୍ଥ ଅଛନ୍ତି।

ମାତ୍ର ୧୭ ବର୍ଷ ବୟସରେ ଅଙ୍ଗଦାନ ଭଳି କଠିନ ନିଷ୍ପତ୍ତି ନେଇଥିବାରୁ ଦେବାନନ୍ଦାଙ୍କ ପ୍ରତି ଚାରିଆଡୁ ପ୍ରଶଂସାର ସୁଅ ଛୁଟୁଛି। ଏପରିକି ରାଜଗିରି ହସ୍ପିଟାଲ ପକ୍ଷରୁ ଦେବାନନ୍ଦାଙ୍କ ମହାନତା ଦେଖି ସଂପୂର୍ଣ୍ଣ ମାଗଣାରେ ଯକୃତ ପ୍ରତିରୋପଣ କରାଯାଇଥିଲା। ସେହିପରି ସମସ୍ତ ମେଡିକାଲ ଖର୍ଚ୍ଚ ମଧ୍ୟ ଛାଡ଼ କରାଯାଇଛି।