ଭୁବନେଶ୍ୱର : ଶ୍ରୀମନ୍ଦିରରେ ଲାଗିହେବ ଜୈବିକ ଚାଉଳରୁ ପ୍ରସ୍ତୁତ କୋଠଭୋଗ । ଆସନ୍ତା ରଥଯାତ୍ରାରୁ ଏହା ମହାପ୍ରଭୁଙ୍କ ଠାରେ ଲାଗିହେବ । କୋରାପୁଟ ଏବଂ ନିଆଳିରେ ଚାଷ ହେଉଛି ଜୈବିକ ଚାଉଳ । ବଳଭଦ୍ର ଜୈବିକ ଚାଉଳ ମିଶନ ଦ୍ୱାରା ଚାଉଳ ପ୍ରସ୍ତୁତ କରାଯାଉଛି । ଏନେଇ ଆଜି ସୂଚନା ଦେଇଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ ଶ୍ରୀ ଅରବିନ୍ଦ ପାଢ଼ୀ ।
ଆନନ୍ଦ ବଜାରରେ ଜୈବିକ ମହାପ୍ରସାଦ ପାଇଁ ହେବ ସ୍ୱତନ୍ତ୍ର କାଉଣ୍ଟର। ପରବର୍ତ୍ତୀ ସମୟରେ ଜୈବିକ ପନିପରିବା ମଧ୍ୟ ବ୍ୟବହାର କରାଯିବ। ଗତ ରଥଯାତ୍ରା ବେଳେ ମାଉସୀ ମା ମନ୍ଦିରରେ ମହାପ୍ରଭୁଙ୍କ ଆଡପ ମଣ୍ଡପ ଭୋଗରେ ଏହି ଜୈବିକ ଚାଉଳର ବ୍ୟବହାର ହୋଇଥିଲା।
