ଭୁବନେଶ୍ୱର : ରାଜ୍ୟ ସରକାର ଆଜି ସିଏମ୍-କିଷାନ ଯୋଜନାର କିସ୍ତି ଟଙ୍କା ପ୍ରଦାନ କରିବେ। ଆଜି ପୂର୍ବାହ୍ଣ ସାଢ଼େ ୧୦ଟା ସମୟରେ ଓୟୁଏଟିସ୍ଥିତ କୃଷି ଶିକ୍ଷା ସଦନରେ ଆୟୋଜିତ ସ୍ବତନ୍ତ୍ର ଉତ୍ସବରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ସିଏମ୍-କିଷାନର ତୃତୀୟ କିସ୍ତି ପ୍ରଦାନ କରିବେ । ଚାଷୀଙ୍କ ଆକାଉଣ୍ଟକୁ ଯିବ ୨ ହଜାର ଟଙ୍କା । ଏହି କିସ୍ତି ୫୧ ଲକ୍ଷ କ୍ଷୁଦ୍ର ଓ ନାମମାତ୍ର ଚାଷୀଙ୍କ ଆକାଉଣ୍ଟକୁ ଯିବ। ଏହି ଯୋଜନା ଅନୁଯାୟୀ ବର୍ଷକୁ ଦୁଇ ଥର ଚାଷୀଙ୍କ ଆକାଉଣ୍ଟକୁ ୨ ହଜାର ଲେଖାଏଁ ଟଙ୍କା ଦିଆଯାଉଛି । ରାଜ୍ୟସରକାର ଅକ୍ଷୟ ତୃତୀୟା ଏବଂ ନୂଆଖାଇ ଅବସରରେ ଦୁଇଟି ପର୍ଯ୍ୟାୟରେ ୨ ହଜାର ଲେଖାଏଁ ଟଙ୍କା ଚାଷୀଙ୍କ ଆକାଉଣ୍ଟକୁ ପ୍ରଦାନ କରିଥାନ୍ତି ।
