ମହାରାଷ୍ଟ୍ର : ଔଷଧ କମ୍ପାନୀରେ ଅଘଟଣ । ବିଷାକ୍ତ ନାଇଟ୍ରୋଜେନ ଗ୍ୟାସ ଲିକ ହୋଇ ୪ ଜଣଙ୍କର ମୃତ୍ୟୁ ଘଟିଥିବାବେଳେ ୨ ଜଣ ଗୁରୁତର ହୋଇଛନ୍ତି । ଗତକାଲି ଅପରାହ୍ନରେ ତାରାପୁର-ବୋଇସର ଶିଳ୍ପାଞ୍ଚଳରେ ଥିବା ‘ମେଡଲି’ ଫାର୍ମାସିଟ୍ୟୁକାଲ କମ୍ପାନୀରେ ଏହି ଅଘଟଣ ଘଟିଛି । ଗ୍ୟାସ ଲିକ ହେବା ଯୋଗୁଁ ୬ ଜଣ କର୍ମଚାରୀ ନିଶ୍ୱାସ ନେବାରେ କଷ୍ଟ ଅନୁଭବ କରିଥିଲେ । ଗୁରୁତର ଅବସ୍ଥାରେ ସେମାନଙ୍କୁ ନିକଟସ୍ଥ ହସ୍ପିଟାଲରେ ଭର୍ତି କରାଯାଇଥିଲା । ଆଇସିୟୁରେ ଚିକିତ୍ସିତ ହେଉଥିବାବେଳେ ସନ୍ଧ୍ୟା ବେଳକୁ ୪ ଜଣଙ୍କର ମୃତ୍ୟୁ ଘଟିଥିବା ବେଳେ ଆଉ ୨ ଜଣ ଚିକିତ୍ସିତ ଅଛନ୍ତି । ମୃତକ ମାନେ ହେଲେ କମଲେଶ ଯାଦବ, କଳ୍ପେଶ ରାଉତ, ଧୀରଜ ପାୱାର ଏବଂ ବାଙ୍ଗାଲି ଠାକୁର ଅଛନ୍ତି । ଏହି କମ୍ପାନୀ ଟି ମୁମ୍ବାଇରୁ ପ୍ରାୟ ୧୩୦ କିଲୋମିଟର ଦୂର ବୋଇସର ଶିଳ୍ପା ଅଞ୍ଚଳ ପ୍ଲଟ ନ-୧୧୩ରେ ଅବସ୍ଥିତ ।
