କମେଡି ଦୁନିଆର ସୁନିଲ ଗ୍ରୋଭରଙ୍କ ନାଁ ବେଶ୍ ପରିଚିତ । କମେଡି କିଙ୍ଗଭାବେ ସୁନିଲଙ୍କୁ ସମ୍ଭୋଧନ କରାଯାଇଥାଏ । ତାଙ୍କର ଅଭିନୟ ଦର୍ଶକଙ୍କୁ ବାନ୍ଧି ରଖିବାରେ ସକ୍ଷମ ହୋଇଥାଏ । ଅଭିନୟର ସବୁଠାରୁ କଷ୍ଟ କାମ ଅର୍ଥାତ ସେ ଦର୍ଶକଙ୍କୁ ହସାଇବାରେ ଖୁବ ପାରଙ୍ଗମ । ତେବେ ବର୍ତ୍ତମାନ ଭାରତୀୟ କମେଡି କିଙ୍ଗ କୁହାଯାଉଥିବା ସୁନିଲଙ୍କ କ୍ୟାରିୟର ଖୁବ ସଂଘର୍ଷପୂର୍ଣ୍ଣ ଥିଲା । କ୍ୟାରିୟର ପ୍ରଥମରୁ ସେ ଅନେକ ଷ୍ଟ୍ରଗଲ କରିଛନ୍ତି । ତାଙ୍କର ପ୍ରଥମରୁ ଗୋଟିଏ କମେଡି ପାଇଁ ପାରିଶ୍ରମିକ ଥିବା ୨୦ ଟଙ୍କା ଯାହା ବର୍ତ୍ତମାନ ୨୫ ଲକ୍ଷରେ ପହଞ୍ଚିଛି । ୨୦ ଟଙ୍କା ପାଇଁ କମେଡି କରୁଥିବା ସୁନିଲ ବର୍ତ୍ତମାନ କମେଡିର ନୂଆ ପରିଚୟ ପାଲଟିଛନ୍ତି । ତାଙ୍କ ଶୋ ଦେଖିବାକୁ ବର୍ତ୍ତମାନ ଲୋକମାନେ ଲାଇନ ଲଗାଉଛନ୍ତି । କପିଲଙ୍କ ସହିତ ତାଙ୍କ ଯୋଡି ସବୁବେଳେ ହିଟ୍ ରହିଥାଏ । କପିଲ ଶର୍ମା ଶୋର କିଛି ଚରିତ୍ରକୁ ଦର୍ଶକ ଖୁବ ଭଲ ପାଇବା ଦେଇଥାଆନ୍ତି । ଏହି ଚରିତ୍ର ଗୁଡିକୁ ଜୀବନ୍ତ କରିବାରେ ସୁନିଲ ଯେପରି ସିଦ୍ଧହସ୍ତ । ସବୁବେଳେ ନିଜ ପ୍ରତିଭା ଉପରେ ବିଶ୍ୱର ରଖି ଆଗକୁ ବଢୁଥିବାରୁ ସୁନିଲ ଆଜି ଜଣେ ଆଗ ଧାଡିକ କମେଡିଆନ ଭାବେ ଇଣ୍ଡଷ୍ଟ୍ରୀରେ ନିଜର ଏକ ସ୍ୱତନ୍ତ୍ରସ୍ଥାନ ତିଆରି କରି ପାରିଛନ୍ତି ।
