ଭୁବନେଶ୍ୱର : ଭୁବନେଶ୍ୱର ଏମ୍ସରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ବରଣ କରିଛନ୍ତି ପିପିଲି ଅଞ୍ଚଳର ଆତ୍ମାହୁତି ଉଦ୍ୟମ କରିଥିବା ମହିଳା । ଗତ ୬ ଦିନ ଧରି ସେ ଏମ୍ସରେ ଚିକିତ୍ସିତ ହେଉଥିଲେ । ଗତ ୧୩ ତାରିଖ ସନ୍ଧ୍ୟାରେ ସେ ନିଆଁରେ ପୋଡି ହୋଇ ଗୁରୁତର ହୋଇଥିଲେ । ତାଙ୍କ ଚିତ୍କାର ଶୁଣି ତାଙ୍କୁ ଉଦ୍ଧାର କରାଯାଇ ପ୍ରଥମେ ପିପିଲି ଡାକ୍ତରଖାନା ଏବଂ ପରେ ଭୁବନେଶ୍ୱର ଏମିସକୁ ସ୍ଥାନାନ୍ତର କରାଯାଇଥିଲା ।
ସୂଚନାନୁସାରେ,ଗତ ୧୩ ତାରିଖ ସନ୍ଧ୍ୟାରେ ପିପିଲି ଜୟପୁର ଛକରେ ଅବସ୍ଥିତ ନିଜ ଘରେ ନିଆଁରେ ପୋଡି ହୋଇ ଗୁରୁତର ହୋଇଥିଲେ ମହିଳା । ତାଙ୍କୁ ତୁରନ୍ତ ଉଦ୍ଧାର କରାଯାଇ ପିପିଲି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ପରେ ଅବସ୍ଥା ସଙ୍କଟାପର୍ଣ୍ଣ ହେବାରୁ ତାଙ୍କୁ ଭୁବନେଶ୍ଵର ଏମ୍ସକୁ ସ୍ଥାନାନ୍ତର କରାଯାଇଥିଲା। ଆଜି ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି। ପ୍ରଥମେ ଦୀପ ନିଆଁରୁ ସେ ପୋଡି ହୋଇଯାଇଥିବା କୁହାଯାଉଥିଲା ମାତ୍ର ପରବର୍ତୀ ଅବସ୍ଥାରେ ସେ ଋଣ ଚାପରୁ ଆତ୍ମହତ୍ୟା ଉଦ୍ୟମ କରିଥିବା ଅତିରିକ୍ତ ଏସ୍ପି ସୂଚନା ଦେଇଥିଲେ। ଘଟଣାସ୍ଥଳରୁ ସୁଇସାଇଡ୍ ନୋଟ୍ ଓ କିରାସିନି ବୋତଲ ମଧ୍ୟ ଜବତ କରାଯାଇଥିଲା।
