ବଲିଉଡରେ ଖୁବ ଚର୍ଚ୍ଚିତ ଚେହେରା ହେଲେ ମନୀଷା କୋଇରାଲା । ଯିଏ ନିଜର ଅଭିନୟ ପାଇଁ ସବୁବେଳେ ଖୁବ ପ୍ରଶଂସା ସାଉଁଟିଥାଆନ୍ତି । ସୁବାସ ଘାଇଙ୍କ ଫିଲ୍ମ ସୌଦାଗର ଜରିଆରେ ବଲିଉଡରେ ଡେବ୍ୟୁ କରିଥିବା ମନୀଷା ନିଜର ରିଅଲ ଲାଇଫକୁ ନେଇ ମଧ୍ୟ ଅନେକ ସମୟରେ ଚର୍ଚ୍ଚାରେ ରହିଥାଆନ୍ତି । ବିଶେଷଭାବେ ନିଜର ଲଭ୍ ଆଫାୟରକୁ ନେଇ ସେ ଖୁବ ଚର୍ଚ୍ଚାରେ ରହିଥିଲେ । ଯେତେବେଳେ ମନୀଷା ନିଜ କ୍ୟାରିୟରରେ ପିକ୍ ପଏଣ୍ଟରେ ରହିଥିଲେ ସେତେବେଳେ ତାଙ୍କ ନାଁକୁ ୧୨ ଜଣଙ୍କ ସହିତ ଯୋଡା ହୋଇଥିଲା । ବିଜ୍ନେସମ୍ୟାନ ସମ୍ରାଟ ଦହଲଙ୍କ ସହିତ ବିବାହ ପୂର୍ବରୁ ତାଙ୍କ ନାଁକୁ ବିବେକ ମୁଶରାନ, ନାନା ପାଟେକର, ଡିଜେ ହୁସେନ୍ଙ୍କ ଭଳି ଅନେକ କଳାକାରଙ୍କ ସହିତ ଯୋଡା ଯାଇଥିଲା । ଏଥିରୁ ସବୁଠାରୁ ଅଧିକ ଚର୍ଚ୍ଚା ନାନା ପାଟେକରଙ୍କ ସହିତ ହୋଇଥିଲା । ତେବେ ୨୦୧୦ରେ ମନୀଷା ସମ୍ରାଟଙ୍କୁ ବିବାହ କରିଥିଲେ । ହେଲେ ଏହି ବିବାହ ଅଧିକ ଦିନ ପର୍ଯ୍ୟନ୍ତ ଚାଲି ନଥିଲା ସେମାନେ ୨୦୧୨ରେ ହିଁ ଅଲଗା ହୋଇ ଯାଇଥିଲେ ଏବଂ ସେବେଠାରୁ ମନୀଷା ସିଙ୍ଗଲ ଲାଇଫ୍ ବିତାଉଛନ୍ତି । ନିଜର କ୍ୟାରିୟର ପିକ୍ ଟାଇମ୍ରେ ଅନେକ ଖରାପ ସଙ୍ଗତ ସହିତ ଯୋଡି ହୋଇଥିଲେ ମନୀଷା । ଏହି ସମୟରେ ତାଙ୍କର ମାଦକଦ୍ରବ୍ୟ ସେବନର ନିଶା ମଧ୍ୟ ଆରମ୍ଭ ହୋଇଥିବାନେଇ ସୂଚନା ରହିଛି । ଯେଉଁ କାରଣରୁ ଏହାର ପ୍ରଭାବ ତାଙ୍କର କ୍ୟାରିୟର ଉପରେ ମଧ୍ୟ ପଡିଥିଲା ।
