ଫିଲ୍ମ ଗୁଲାଲକୁ ନେଇ ଦୀର୍ଘ ଦିନରୁ ବିବାଦ ଜାରି ରହିଛି । ଏଥିରେ ପାକିସ୍ତାନ ଅଭିନେତା ଫବାଦ ଖାନ୍ଙ୍କ ସହିତ ବଲିଉଡ ଅଭିନେତ୍ରୀ ବାଣୀ କପୁର ଅଭିନୟ କରିଛନ୍ତି । ହେଲେ ପହଲଗାମ୍ ଆକ୍ରମଣ ପରେ ଫିଲ୍ମଟିକୁ ଭାରତରେ ରିଲିଜ୍ କରିବାକୁ ମନା କରିଦିଆଯାଇଛି, ଯାହାପରେ ବିବାଦ ଲାଗି ରହିଛି । ତେବେ ନିକଟରେ ମିଳିଥିବା ସୂଚନା ଅନୁସାରେ ଏହି ଫିଲ୍ମଟିକୁ ବିଶ୍ୱସ୍ତରୀୟ ରିଲିଜ୍ କରାଯିବ । ୨୯ ଅଗଷ୍ଟରେ ଏହି ରିଲିଜ୍ ହେବା ନେଇ ସୂଚନା ରହିଛି । ଭାରତରେ ବ୍ୟାନ ଲାଗିଥିବାରୁ ଭାରତ ଛଡା ଅନ୍ୟ ସବୁଠାରେ ଏହା ରିଲିଜ୍ ହେବ । ହେଲେ ଏହି ଖବର ଜଣା ପଡିବା ପରେ ଏଆଇଡଡବ୍ୟ୍ଲୁସିଏ ପକ୍ଷରୁ ଏହାକୁ ବିରୋଧ କରାଯାଇଛି । ପ୍ରଧାନମନ୍ତ୍ରୀଙ୍କ ପାଖୁ ଚିଠି ଲେଖି ଏହାର ବିରୋଧ କରିଛି ସଂସ୍ଥା, ଏଥିସହିତ ବାଣୀ କପୁର, ନିର୍ଦ୍ଦେଶକ ଓ ପ୍ରଯୋଜକଙ୍କ ନାଗରିକତା ରଦ୍ଦ ପାଇଁ ମଧ୍ୟ ଏହି ଚିଠିରେ ଦାବି କରାଯାଇଛି । ପୂର୍ବରୁ ମଧ୍ୟ ବାଣୀ କପୁରଙ୍କୁ ଏହି ଫିଲ୍ମ ପାଇଁ ବିରୋଧ ସହିବାକୁ ପଡିଛି ।
