ଖୁବଶୀଘ୍ର ରିଆଲିଟି ଶୋ ବିଗବସ ଆରମ୍ଭ ହେବାକୁ ଯାଉଛି । ନୂଆ ସିଜିନ୍କୁ ନେଇ ଅଫିସିଆଲି ଘୋଷଣା ପରେ ଏହାର ପ୍ରତିଯୋଗୀଙ୍କୁ ନେଇ ଚର୍ଚ୍ଚା ଆରମ୍ଭ ହୋଇଛି । ଏହି ଚର୍ଚ୍ଚାରେ ଅନେକଙ୍କ ନାଁ ସାମନାକୁ ଆସୁଛି ଯେଉଁମାନେ ଏଥିରେ ଭାଗନେବେ । ସେହି ନାଁରେ ବର୍ତ୍ତମାନ ଜଣେ ସେଲିବ୍ରିଟି ଯୋଡ଼ି ହୋଇଛନ୍ତି । ଏଥର ସିଜିନରେ ଦର୍ଶକ ପପୁଲାର ଟେଲି ଆକ୍ଟ୍ରେସ ରତି ପାଣ୍ଡେଙ୍କୁ ଦେଖିବାକୁ ପାଇବେ ବୋଲି ଆଲୋଚନା ହେଉଛି । କିଛି ସୁତ୍ର ଅନୁସାରେ ରତି ଏହି ଶୋ ପାଇଁ ନିର୍ଦ୍ଧିଷ୍ଟ ହୋଇ ସାରିଛନ୍ତି । ତେବେ ଏହି ଖବର ଜଣା ପଡିବା ପରେ ରତିଙ୍କ ଫ୍ୟାନଙ୍କ ମଧ୍ୟରେ ଖୁବ ଆଲୋଚନା ଜାରି ରହିଛି । ହେଲେ କିଛି ଗଣ ମାଧ୍ୟମରେ ଏହି ଖବର ମିଛ ବୋଲି ମଧ୍ୟ ଚର୍ଚ୍ଚା ଜାରି ରହିଛି , ଯାହା ରତିଙ୍କ ଫ୍ୟାନଙ୍କୁ ଦ୍ବନ୍ଦ୍ବରେ ପକାଇଛି । ତେବେ ଏନେଇ ଶୋ ଆରମ୍ଭ ହେଲେ ଜଣା ପଡିବ ବୋଲି ସୋସିଆଲ ମିଡିଆରେ ମତ ପ୍ରକାଶ ପାଇଛି ।
