ସାରା ଅଲ୍ଲୀ ଖାନ୍ ସବୁବେଳେ ନିଜର ଭିନ୍ନ ପ୍ରକାର ଚରିତ୍ର ପାଇଁ ଚର୍ଚ୍ଚାରେ ରହିଥାଆନ୍ତି । ବିଭିନ୍ନ ଫିଲ୍ମରେ ତାଙ୍କୁ ଭିନ୍ନ ପ୍ରକାରର ଚରିତ୍ରରେ ଅଭିନୟ କରୁଥିବାର ଦେଖିବାକୁ ମିଳିଥାଏ । ସୂଚନା ଅନୁସାରେ ଖୁବଶୀଘ୍ର ସାରାଙ୍କର ଆଉ ଏକ ଭିନ୍ନ ଅବତାର ଦର୍ଶକ ଦେଖିବାକୁ ପାଇବେ । ସାରାଙ୍କୁ କମେଡି କରୁଥିବାର ଦର୍ଶକ ଦେଖିବେ । ସୂଚନା ଅନୁସାରେ ସାରା ଏକ କମେଡି ପ୍ରୋଜେକ୍ଟ ସାଇନ କରିଛନ୍ତି । ଏଥିରେ ସେ ଆୟୁଷ୍ମାନ ଖୁରାନାଙ୍କ ସହିତ ସ୍କ୍ରିନ ସେୟାର କରିବେ । ତେବେ ରିଅଲ ଲାଇଫରେ ସାରା ଖୁବ ମଜାଳିଆ ସ୍ବଭାବର ତେଣୁ ସେ ଏହି ଚରିତ୍ରରେ ମଧ୍ୟ ଖୁବ ଭଲ ଅଭିନୟ କରିବେ ବୋଲି ଦର୍ଶକ ଆଶା ରଖିଛନ୍ତି । ସେହିଭଳି ସାରା ମଧ୍ୟ ନିଜର ଏହି ଅପକମିଂ ପ୍ରୋଜେକ୍ଟ ନେଇ ଖୁବ ଖୁସି ଥିବା ମତ ଦେଉଛନ୍ତି । କ୍ୟାରିୟରେ ବିଭିନ୍ନ ପ୍ରକାର ଚରିତ୍ରରେ ଅଭିନୟ କରିବାକୁ ଆଶା ରଖିଛନ୍ତି ସାରା । ଆଗକୁ ଆହୁରି ବିଭିନ୍ନ ପ୍ରକାର ଚରିତ୍ର ସେ ଦର୍ଶକଙ୍କୁ ଭେଟି ଦେବେ ବୋଲି ମତ ଦେଇଛନ୍ତି ।
