କାମାକ୍ଷାନଗର: ପାରିବାରିକ କଳହରୁ ଚରମ ନିଷ୍ପତି । ଆଜି ପୁଣି ଜଣେ ମହିଳା କରିଛନ୍ତି ଆତ୍ମହତ୍ୟା ଉଦ୍ୟମ । ନିଜ ଦେହରେ କିରାସିନି ଢାଳି ଜଳିଯାଇ ଗୁରୁତର ହୋଇଛନ୍ତି ଭୁବନ ଏନଏସିରେ ଅଞ୍ଚଳରେ ଜଣେ ମହିଳା । ତାଙ୍କ ନାଁ ପ୍ରେମଲତା ବେହେରା । ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ସ୍ଥାନୀୟ ମେଡିକାଲ ଏବଂ ପରେ କଟକ ମେଡିକାଲରେ ଭର୍ତ୍ତି କରାଯାଇଛି। ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଜାରି ରଖିଛି । କିସ୍ତି ଟଙ୍କା ଦେବାକୁ ନେଇ କଳହ ପରେ ଜୀବନ ହାରିବା ଉଦ୍ୟମ କରିଥିବା ସୂଚନା ମିଳିଛି ।
ଗତକାଲି ବରଗଡ଼ ଗାଏସିଲେଟରେ ଜଣେ ୮ ବର୍ଷର ଝିଅ ପୋଡ଼ିଯାଇ ମୃତ୍ୟୁ ବରଣ କରିଛି । ନାବାଳିକା ଶୈଚହେବାକୁ ଯିବାବେଳେ ଆଉ ଜଣେ ଝିଅ ତା’ ଦେହରେ ପେଟ୍ରୋଲ ଢାଳି ନିଆ ଲଗାଇ ଦେଇଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି । ଏନେଇ ପୀଡିତା ମଧ୍ୟ ତା’ ବୟାନରେ କହିଥିବା ସୂଚନା ମିଳିଛି ।
ଗୋଟିଏ ମାସ ଭିତରେ ରାଜ୍ୟରେ ୪ ଜଣ ଆତ୍ମାହୁତି ହେଇସାରିଲେଣି । ଭୁବନରେ ମହିଳାଙ୍କ ଆତ୍ମାହୁତି ଘଟଣା ପଞ୍ଚମ ମାମଲା । ରାଜ୍ୟରେ ଏ ଘଟଣାକୁ ନେଇ ହଇଚଇ ସୃଷ୍ଟି ହୋଇଥିବାବେଳେ ରାଜନୀତି ମଧ୍ୟ ସରଗରମ ହୋଇଛି । ଏନେଇ ଗତକାଲି ବିରୋଧୀ ଦଳ ନେତା ନବୀନ ପଟ୍ଟନାୟକ ଗଭୀର ଉଦବେଗ ପ୍ରକାଶ କରିବା ସହ ଟ୍ୱିଟ କରି ରାଜ୍ୟ ସରକାରଙ୍କୁ କଠୋର ସମାଲୋଚନା କରିଥିଲେ ।
