ଯାଜପୁର : କୁନି ଝିଅ ପିହୁ ନିଖୋଜ ଘଟଣା କୁ ପୁରିଲାଣି ୫ ବର୍ଷ । ୨୦୨୦ ମସିହା ଅଗଷ୍ଟ ୯ ତାରିଖରେ ଗାଁ ଯାଜପୁର ଜିଲ୍ଲା ବିଂଝାରପୁର ଥାନା ଅନ୍ତର୍ଗତ ମଧୁସୂଦନପୁର ଗାଁ ଦାଣ୍ଡରେ ଖେଳୁଥିବାବେଳେ ନିଖୋଜ ହୋଇ ଯାଇଥିଲା ଅଢେଇ ବର୍ଷର କୁନି ଝିଅ ପିହୁ । ଆଜି ଯାଏଁ ନିଖୋଜ ପିହୁର କୌଣସି ପତ୍ତା ମିଳିପାରି ନାହିଁ । ଜିଲ୍ଲାପାଳଙ୍କ ଠାରୁ ପୋଲିସ ପ୍ରଶାସନ ସମସ୍ତଙ୍କୁ ଗୁହାରି କରି ଥକି ଗଲେଣି ପିହୁର ମା’ ମୋନାଲିସା । ଆଜି ପୁଣିଥରେ ଜିଲ୍ଲାପାଳଙ୍କ ନିକଟରେ ହାଜର ହୋଇ ପିହୁକୁ ଖୋଜିବାକୁ ନିବେଦନ କରିଛନ୍ତି । ୭ ଦିନ ଭିତରେ ଝିଅକୁ ଖୋଜି ଆଣିବାପାଇଁ ଅନୁରୋଧ କରିଛନ୍ତି । ନ୍ୟାୟ ନମିଳିଲେ ୮ ତାରିଖରୁ ଜିଲ୍ଲାପାଳଙ୍କ ଅଫିସରେ ଧାରଣା ଦେବାକୁ ଚେତାବନୀ ଦେଇଛନ୍ତି ମୋନାଲିସା । ଏହା ପୂର୍ବରୁ ବିଭିନ୍ନ ଫୋରମକୁ ଯାଇ ଅନୁରୋଧ କରିଛନ୍ତି ମୋନାଲିସା । ସମସ୍ତଙ୍କୁ ଜଣାଇଥିଲେ ମଧ୍ୟ କେହି କିଛି ଶୁଣିଲେ ନାହିଁ ବୋଲି କୋହ ଭରା କଣ୍ଠରେ କହିଛନ୍ତି ପିହୁ ର ମା’ ମୋନାଲିସା ।
Comments are closed.