କଟକ : OTET ପ୍ରଶ୍ନପତ୍ର ଲିକ୍ ମାମଲାରେ ଆଉ ଜଣେ ଗିରଫ। ଗିରଫ ଶିକ୍ଷକ ୨ ଜଣ ଜଣେ କୋରାପୁଟରୁ ହୋଇଥିବାବେଳେ ଅନ୍ୟ ଜଣକ ହେଲେ କଳାହାଣ୍ଡି ଜିଲ୍ଳା ଭବାନୀପାଟଣାର ପ୍ରଶାନ୍ତ ଖମାରୀ । ଏହାକୁ ମିଶାଇ ମୋଟ ୭ ଜଣଙ୍କୁ ଗିରଫ କରାଯାଇଛି । OTET ପ୍ରଶ୍ନପତ୍ର ଲିକ୍ ଘଟଣାରେ ସଂପୃକ୍ତ ରହିଥିବା ଅଭିଯୋଗରେ ତାଙ୍କୁ ଭବାନୀପାଟଣା ସଦର ଥାନା ପୋଲିସ ଗିରଫ କରି କ୍ରାଇମବ୍ରାଞ୍ଚକୁ ହସ୍ତାନ୍ତର କରିଛି ।
ମାଧ୍ୟମିକ ଶିକ୍ଷା ପରିଷଦର ମାଷ୍ଟରମାଇଣ୍ଡ ବୋର୍ଡର ଡାଟା ଏଣ୍ଟ୍ରି ଅପରେଟର ଜିତେନ ମହାରଣାଙ୍କ ସମେତ ୬ ଜଣଙ୍କୁ ୩୦ ତାରିଖରେ ଗିରଫ କରିଥିଲା କ୍ରାଇମବ୍ରାଞ୍ଚ। ଅଭିଯୋଗ ଅନୁସାରେ ପ୍ରଥମେ ଜିତେନ ବୋର୍ଡର ଉପସଭାପତିଙ୍କ ଲ୍ୟାପଟପ୍ ରୁ ପରୀକ୍ଷା ପୂର୍ବରୁ ପ୍ରଶ୍ନପତ୍ର ପେନଡ୍ରାଇଭରେ ନେଇ ଯାଇଥିଲେ । ପରେ ସେ ଏହାକୁ ଶିକ୍ଷକ ବିଜୟ ମିଶ୍ର, ସନାତନ ବିଶୋୟୀଙ୍କୁ ଦେଇଥିଲେ । ଏହାକୁ ସେମାନେ ଦଲାଲ ରାମଜୀ ପ୍ରସାଦ ଗୁପ୍ତାଙ୍କ ମାଧ୍ୟମରେ ଅଜୟ ସାହୁ, ଜୟନ୍ତ ରାଉତଙ୍କୁ ବିକ୍ରି କରିଥିଲେ। ଜିତେନଙ୍କ ବ୍ୟାଙ୍କ ଖାତାକୁ ୨ଲକ୍ଷ ୪୦ ହଜାର ଟଙ୍କା ଆସିଥିଲା ।
Comments are closed.