ବିଜେପି ସାଂସଦ ତଥା ଅଭିନେତ୍ରୀ ହେମାମାଳିନୀ ବର୍ତ୍ତମାନ ନିଜର ନୃତ୍ୟ ଭିଡିଓକୁ ନେଇ ଖୁବ ଚର୍ଚ୍ଚାରେ ରହିଛନ୍ତି । ଅଭିନେତ୍ରୀଙ୍କର ଏକ ନୃତ୍ୟ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଘୁରିବୁଲୁଛି, ଯାହାକୁ ତାଙ୍କ ଫ୍ୟାନମାନେ ଖୁବ ପ୍ରଶଂସା କରୁଥିବା ଦେଖିବାକୁ ମିଳିଛି । ସୂଚନା ଅନୁସାରେ ୭୬ ବର୍ଷୀୟ ହେମାମାଳିନୀ ଏକ ଉତ୍ସବରେ ପାଖାପାଖା ୩୦ ମିନିଟ୍ ଧରି ନୃତ୍ୟ ପରିବେଷଣ କରିଛନ୍ତି । ଯାହା ତାଙ୍କୁ ଚର୍ଚ୍ଚାର ପରିସରକୁ ଆଣିଛି । ଏତେ ବୟସରେ ମଧ୍ୟ ସେ ଖୁବ ସୁନ୍ଦରଭାବେ ଷ୍ଟେଜରେ ନୃତ୍ୟ ପରିବେଷଣ କରିଛନ୍ତି ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ତାଙ୍କ ସହିତ ଅନ୍ୟ ଏକ କୁନି କଳାକାରଙ୍କୁ କୃଷ୍ଣ ଭୂମିକାରେ ମଧ୍ୟ ଦେଖିବାକୁ ମିଳିଛି । ସେହିଭଳି ଏହି ତିରୋଭାବ ଉତ୍ସବରେ ନୃତ୍ୟ ପରିବେଷଣ କରି ହେମାମାଳିନୀ ମଧ୍ୟ ଖୁବ ଖୁସି ଅଛନ୍ତି । ଏଭଳି ଏକ ଉତ୍ସବରେ ନୃତ୍ୟ କରି ସେ ନିଜକୁ ଗର୍ବିତ ଅନୁଭବ କରୁଥିବା ବିଭିନ୍ନ ସାକ୍ଷାତକାରରେ ପ୍ରକାଶ କରିଛନ୍ତି । ଏଭଳି ସୁଯୋଗ ସମସ୍ତଙ୍କୁ ମିଳେ ନାହିଁ, ତେଣୁ ତାଙ୍କୁ ଏହି ସୁଯୋଗ ମିଳିଥିବାରୁ ସେ ଖୁବ ଖୁସି ଥିବା ପ୍ରକାଶ କରିଛନ୍ତି ।
Comments are closed.