ଦେଶୀ ଗର୍ଲ ପ୍ରିୟଙ୍କାଙ୍କ ଷ୍ଟାରଡମ୍ ସାରା ବିଶ୍ୱରେ ରହିଛି । ନିଜର ଅଭିନୟ ପାଇଁ ସେ ବଲିଉଡରୁ ଯାଇ ହଲିଉଡରେ ପହଞ୍ଚି ସାରିଛନ୍ତି । ତେବେ ତାଙ୍କର ଏହି କାହାଣୀ ପଛରେ ଅନେକ ସଂଘର୍ଷ ରହିଛି । ଏହା ପଛରେ ତାଙ୍କର ପରିଶ୍ରମ ଓ ସାହସର ହାତ ରହିଛି । କ୍ୟାରିୟର ଆରମ୍ଭ ପ୍ରିୟଙ୍କା ଜଣେ ସାଧାରଣ କଳାକାର ଭଳି କରିଥିଲେ, ଯାହା ତାଙ୍କୁ ୨୦୦୦ ମସିହାରେ ମିସ୍ ୱାର୍ଲ୍ଡ ଜିତିବା ପରେ ହାସଲ ହୋଇଥିଲା । ମାତ୍ର ୧୭ ବର୍ଷ ବୟସରେ ତାଙ୍କୁ ଏହି ଟାଇଟଲ ହାସଲ ହୋଇଥିଲା । ୨୦୦୨ରେ ତାମିଲ ଫିଲ୍ମ ଥାମିଜାନ୍ରୁ ସେ ନିଜର ଅଭିନୟ କ୍ୟାରିୟର ଆରମ୍ଭ କରିଥିଲେ । ହେଲେ କ୍ୟାରିୟର ଆରମ୍ଭରୁ ତାଙ୍କର ଶ୍ୟାମଳ ରଙ୍ଗ ପାଇଁ ସେ ଅନେକ ସମାଲୋଚନା ଶୁଣିଥିଲେ । ସମସ୍ତେ ତାଙ୍କୁ ସେହି ସମୟରେ କାଳି ବିଲେଇର ଆଖ୍ୟା ମଧ୍ୟ ଦେଇଥିଲେ । ଏହି ବର୍ଣ୍ଣଭେଦଭାବକୁ ଗୁରୁତ୍ୱ ନଦେଇ ନିଜ ଉପରେ ଭରସା ରଖି ଆଗକୁ ବଢିଥିଲେ ପ୍ରିୟଙ୍କା । ତାଙ୍କ ଅଭିନୟରେ ଥିବା ଦକ୍ଷତା, କଠିନ ପରିଶ୍ରମ ତାଙ୍କୁ ବିଟାଉନ୍ରେ ତ ସଫଳତା ଦେଲା ଏହାପରେ ତାଙ୍କୁ ଗ୍ଲୋବାଲ ଷ୍ଟାରରେ ମଧ୍ୟ ପରିଣତ କରିଥିଲା । ବର୍ତ୍ତମାନ ସେ ହଲିଉଡର ଅନେକ ନାମୀଦାମୀ ପ୍ରୋଜେକଫରେ ଭାଗ ନେଇ ଭାରତର ନାଁକୁ ଗର୍ବିତ କରିବାରେ ଲାଗିଛନ୍ତି ।
Comments are closed.