ବଲିଉଡରେ ଅନେକ ନୂଆ ଅଭିନେତାଙ୍କୁ ଦେଖିବାକୁ ମିଳୁଛି, ଯେଉଁମାନେ ନିଜର ଅଭିନୟରେ ଦର୍ଶକଙ୍କ ହୃଦୟରେ ଏକ ସ୍ୱତନ୍ତ୍ରସ୍ଥାନ ତିଆରି କରିପାରୁଛନ୍ତି । ସେହିଭଳି ଜଣେ ନୂଆ ଷ୍ଟାର ହେଲେ ହର୍ଶିଲ ଶାହ, ଯିଏ ବର୍ତ୍ତମାନ ଖୁବ ଚର୍ଚ୍ଚାର ଅଛନ୍ତି ।
ନିକଟରେ ସଲମାନଙ୍କର ଅପକମିଂ ଫିଲ୍ମ ବ୍ୟାଟଲ ଅଫ ଗଲଓ୍ୱାନ୍ର ପୋଷ୍ଟର ରିଲିଜ୍ ହୋଇଛି, ଯାହାକୁ ନେଇ ବିଭିନ୍ନ ସ୍ଥାନର ଚର୍ଚ୍ଚା ହେଉଛି । ଏଥିରେ ସଲମାନଙ୍କୁ ଏକ ଭିନ୍ନ ଲୁକ୍ରେ ଦେଖିବାକୁ ମିଳୁଛି । ତେବେ କେବଳ ସଲମାନ ନୁହେଁ ଏଥିରେ ଆହୁରି ଜଣେ ଅଭିନେତାଙ୍କୁ ମଧ୍ୟ ଦେଖିବାକୁ ମିଳିବ । ନବାଗତ ହେଲେ ମଧ୍ୟ ସେ ବର୍ତ୍ତମାନ ଖୁବ ଚର୍ଚ୍ଚାରେ ଅଛନ୍ତି । ସୋସିଆଲ ମିଡିଆରେ ତାଙ୍କୁ ନୂଆ ଷ୍ଟାରର ଆଖ୍ୟା ଦିଆଯାଇଛି । ହର୍ଶିଲଙ୍କର ଏହା ହେଉଛି ଡେବ୍ୟୁ ଫିଲ୍ମ, କିନ୍ତୁ ଏଥିରେ ତାଙ୍କ ଚରିତ୍ର ଖୁବ ହଟକେ ରହିଛି ବୋଲି ଚର୍ଚ୍ଚା ହେଉଛି । ସେ ଏଥିରେ ଖୁବ କ୍ୟୁରିସିଆଲ ଚରିତ୍ରରେ ନଜର ଆସିଛନ୍ତି । ହର୍ଶିଲ ନିଜର ଅଭିନୟ କ୍ୟାରିୟର ବିଜ୍ଞାପନରୁ ଆରମ୍ଭ କରିଥିଲେ । ତାଙ୍କୁ ଅନେକ ବ୍ୟବସାୟିକ ବିଜ୍ଞାପନ ଓ ଆଡଫିଲ୍ମରେ ଦେଖିବାକୁ ମିଳିଥିଲା । ସେ ଅଭିନୟରେ ଡିଗ୍ରୀ ହାସଲ କରିବାପରେ ଅଭିନୟରେ ପାଦ ଦେଇଛନ୍ତି । କେବଳ ଅଭିନୟ ନୁହେଁ ହର୍ଶିଲଙ୍କର ନୃତ୍ୟ ପ୍ରତି ମଧ୍ୟ ଅନେକ ଦୁର୍ବଳତା ରହିଛି । ସେ ଜଣେ ପ୍ରଶିକ୍ଷିତ ନୃତ୍ୟଶୀଳ୍ପି । ସେ ନ୍ୟୁୟର୍କ ଥିଏଟର ସର୍କିଟର ମଧ୍ୟ ଅଂଶ ରହିଛନ୍ତି । ସେ ଅନେକ ସମୟରେ ବିଭିନ୍ନ ସ୍ଥାନରେ ନୃତ୍ୟ ପରିବେଷଣ କରିଥାଆନ୍ତି, ଯାହା ତାଙ୍କୁ ଏକ ସ୍ୱତନ୍ତ୍ର ପରିଚୟ ପ୍ରଦାନ କରିଥାଏ । ଜଣେ ଅଭିନେତା ହେବା ପୂର୍ବରୁ ସେ ପ୍ରଥମେ ଜଣେ ସହ ନିର୍ଦ୍ଦେଶକ ଭାବେ ମଧ୍ୟ କାର୍ଯ୍ୟ କରିଛନ୍ତି । କେଦାରନାଥ ଫିଲ୍ମରେ ସେ ସହନିର୍ଦ୍ଦେଶକ ଭାବେ କାର୍ଯ୍ୟ କରିଥିଲେ । ଏହା ତାଙ୍କର ପ୍ରଥମ ଫିଲ୍ମ ଥିଲା ଯେଉଁଥିରେ ସେ କାର୍ଯ୍ୟ କରିଥିଲେ, ଏହି ଫିଲ୍ମରୁ ସେ ଅନେକ କଥା ଶିଖିଥିଲେ ବୋଲି ସବୁବେଳେ ବିଭିନ୍ନ ସାକ୍ଷାତକାରରେ ପ୍ରକାଶ କରିଥାଆନ୍ତି । ଏହାପରେ ସେ ରାଜକୁମାର ହିରାନୀଙ୍କ ପ୍ରଡକସନ୍ ହାଉସ ପାଇଁ ମଧ୍ୟ ସହ ନିର୍ଦ୍ଦେଶକ ଭାବେ କିଛି ସମୟ କାର୍ଯ୍ୟ କରିଛନ୍ତି । ଏହି ସମୟରେ ସେ ଅଭିନୟ ବିଷୟରେ ଅନେକ କିଛି ଶିଖିଥିବା ସବୁବେଳେ ମତ ଦେଇଥାଆନ୍ତି । ଏହାସହ ତାଙ୍କୁ ଜିଓ ଧନାଧନ ଆପିଏଲ୍ କାମ୍ପାନିଂରେ ମଧ୍ୟ ଦେଖିବାକୁ ମିଳିଥିଲା । ଏଭଳି ଛୋଟଛୋଟ ଅଭିନୟ କରି ସେ ଦର୍ଶକଙ୍କର ନିକଟତର ହୋଇଥିଲେ, ଯାହା ପରେ ବର୍ତ୍ତମାନ ବଡପରଦାରେ ଡେବ୍ୟୁ କରିବାକୁ ଯାଉଛନ୍ତି । ସେହିଭଳି ସେ ସବୁବେଳେ ବିଭିନ୍ନ ବରିଷ୍ଠ କଳାକାରଙ୍କ ଠାରୁ ଅଭିନୟ ସମ୍ପର୍କରେ ଅନେକ କିଛି ଶିଖିଥାଆନ୍ତି । ସେମାନେ ଯେପରି ତାଙ୍କ ପାଇଁ ଅଭିନୟ ସ୍କୁଲର ଶିକ୍ଷକ ଭଳି କାର୍ଯ୍ୟ କରନ୍ତି । ସେହିଭଳି ଡେବ୍ୟୁ ଫିଲ୍ମରେ ସଲମାନଙ୍କ ସହିତ ଅଭିନୟ କରିଥିବାରୁ ବେଶ୍ ଖୁସି ଓ ଉତ୍ସାହ ଅଛନ୍ତି ହର୍ଶିଲ । ସଲମାନଙ୍କ ଭଳି ସୁପରଷ୍ଟାରଙ୍କ ସହିତ ସ୍କ୍ରିନ ସେୟାର କରି ସେ ନିଜ କ୍ୟାରିୟରକୁ ଏକ ଭିନ୍ନ ଦିଗ ଦେବାକୁ ଚାହାନ୍ତି । ଆଗକୁ ବିଟାଉନ୍ର ସମସ୍ତ ବଡବଡ ସେଲିବ୍ରିଟିଙ୍କ ସହିତ ସ୍କ୍ରିନ ସେୟାର କରିବାକୁ ଆଶା ରଖିଥିବା ହର୍ଶିଲ ପ୍ରକାଶ କରନ୍ତି ।
Comments are closed.