ଅଭିନେତ୍ରୀ ସନାୟା କପୁରଙ୍କର ଡେବ୍ୟୁ ଫିଲ୍ମ ଆଖୋଁ କି ଗୁସ୍ତାଖିଆଁ ୧୧ ତାରିଖରେ ରିଲିଜ୍ ହୋଇଛି । ତେବେ ନିଜର ପ୍ରଥମ ଫିଲ୍ମରୁ ଝୁଣ୍ଟିଛନ୍ତି ସନାୟା । ଦର୍ଶକଙ୍କୁ ତାଙ୍କ ଅଭିନୟ ପସନ୍ଦ ଆସୁନଥିବା ଦେଖିବାକୁ ମିଳୁଛି । ସନାୟାଙ୍କୁ ନେପୋକିଡ୍ କହି ଲୋକମାନେ ଟ୍ରୋଲ କରୁଥିବା ଦେଖିବାକୁ ମିଳୁଛି । ଅଭିନୟ ନଆସି ମଧ୍ୟ କେବଳ ନିଜର ବାପା ସଞ୍ଜୟ କପୁରଙ୍କ ପାଇଁ ତାଙ୍କୁ ଫିଲ୍ମରେ ସୁଯୋଗ ମିଳିଛି ବୋଲି ଦର୍ଶକ ମତ ଦେଉଛନ୍ତି । କେବଳ ସନାୟା ନୁହେଁ ଏଥିରେ ବିକ୍ରାନ୍ତଙ୍କୁ ମଧ୍ୟ ଲୋକ ଟ୍ରୋଲ କରୁଥିବା ଦେଖିବାକୁ ମିଳୁଛି । କାହାଣୀ ମଧ୍ୟ ସେଭଳି କିଛି ଦମଦାର ନୁହେଁ ବୋଲି ଦର୍ଶକ ମତ ଦେଉଥିବା ଦେଖିବାକୁ ମିଳିଛି । ଫିଲ୍ମଟି ରସ୍କିନ ବଣ୍ଡଙ୍କ ସର୍ଟ ଷ୍ଟୋରୀ ଦି ଆଇଜ୍ ହାଭ େଓ୍ୱଟକୁ ନେଇ ନିର୍ମାଣ କରାଯାଇଛି । ଫିଲ୍ମର ନିର୍ଦ୍ଦେଶନା ସନ୍ତୋଷ ସିଂ ଦେଇଥିବା ଜଣା ପଡିଛି । ସେହିଭଳି ଏହା ପୂର୍ବରୁ ସନାୟାଙ୍କର ଗୁରୁ ରନ୍ଧଓ୍ୱାଙ୍କ ସହିତ ଏକ ମ୍ୟୁଜିକ୍ ଭିଡିଓ ମଧ୍ୟ ଲଞ୍ଚ ହୋଇଥିଲା । ଏହା ମଧ୍ୟ ଦର୍ଶକଙ୍କୁ ପସନ୍ଦ ଆସିନଥିଲା ।
Comments are closed.