୨୨ ଜଣ ମାଓବାଦୀଙ୍କ ଆତ୍ମସମର୍ପଣ

ମାଲକାନଗିରି : ଭୁସୁଡୁଛି ମାଓ ଦୁର୍ଗ। ଆତ୍ମସମର୍ପଣ କଲେ ୨୨ ହାର୍ଡକୋର ମାଓବାଦୀ । ବସ୍ତର IG ଓ ନାରାୟଣପୁର SPଙ୍କ ନିକଟରେ ଆତ୍ମସମର୍ପଣ କରିଛନ୍ତି। ଏମାନଙ୍କ ମଧ୍ୟରେ ଅଛନ୍ତି ୮ ଜଣ ମହିଳା। ଏସପି ରବୀନସନ ଗୁଡ଼ିଆ କହିଛନ୍ତି,ଆତ୍ମସମର୍ପଣ କରିଥିବା ନକ୍ସଲ ମଧ୍ୟରେ ଜଣେ କମାଣ୍ଡର ମଧ୍ୟ ରହିଛି। ସେ ହେଉଛି DVC ଶୁକ୍ଳା। ସେ ଥିଲେ କୁଟୁଲ ଏରିଆର ଇନଚାର୍ଜ। ସରକାରଙ୍କ ନିକଟରେ ଆତ୍ମସମର୍ପଣ ପାଇଁ ତା’ନାଁରେ ୩୭ ଲକ୍ଷ ଟଙ୍କା ପୁରସ୍କାର ରଖାଯାଇଥିଲା । ସରକାରଙ୍କ ଆତ୍ମସମର୍ପଣ ନୀତିରେ ଆକର୍ଷିତ ହୋଇ ସମାଜର ମୁଖ୍ୟ ସ୍ରୋତରେ ସାମିଲ ହେବାକୁ ଆତ୍ମସମର୍ପଣ କରିଛନ୍ତି ମାଓବାଦୀ ।

DVC ଶୁକ୍ଳା ବହୁ ଦିନ ହେଲା ସେ ଲାଲବାହିନୀ ସହିତ ସଂପୃକ୍ତ ଥିଲା। ନିଜେ ବହୁତ ଲୋକଙ୍କୁ ଲାଲବାହିନୀରେ ସାମିଲ କରାଇଥିଲା। ଏବେ ନିଜେ DVC ଆତ୍ମସମର୍ପଣ କରିଥିବାରୁ ଆଖାପାଖ ଅଞ୍ଚଳର ଆହୁରି ନକ୍ସଲ ଓ ସେମାନଙ୍କ ସମର୍ଥନ ଏହି ହିଂସାକାଣ୍ଡରୁ ଦୂରେଇ ସମାଜର ମୁଖ୍ୟ ସ୍ରୋତରେ ସାମିଲ ହେବେ ବୋଲି ଆଶା କରାଯାଉଛି। ଆତ୍ମସମର୍ପଣ କରିଥିବା ନକ୍ସଲଙ୍କୁ ସରକାରୀ ଯୋଜନା ଅନୁସାରେ ଥଇଥାନ କରାଯିବ।