ଦମଦାର ଲୁକରେ ରଣବୀର

ନିକଟରେ ରଣବୀରଙ୍କ ଜନ୍ମଦିନ ଅବସରରେ ତାଙ୍କ ଅପକମିଂ ଫିଲ୍ମ ଧୁରନ୍ଧରର ଫାଷ୍ଟ ଲୁକ୍‌ ଜାରି କରାଯାଇଛି । ଫିଲ୍ମରେ ସଞ୍ଜୟ ଦତ୍ତ, ଅକ୍ଷୟ ଖାନ୍ନା, ଆର୍‌ ମାଧ୍ୟବନଙ୍କୁ ମଧ୍ୟ ଦେଖିବାକୁ ମିଳିବ । ରଣବୀରଙ୍କର ଲୁକ୍‌କୁ ଦର୍ଶକ ଖୁବ ଭଲପାଇବା ଦେଉଥିବା ଦେଖିବାକୁ ମିଳୁଛି । ୨ ମିନିଟର ଏହି ଟିଜରରେ ଖୁବ ଅଧିକ ଆକସନ୍‌ ଦେଖିବାକୁ ମିଳୁଛି । ସେହିଭଳି ଏଥିରେ ଥିବା ବ୍ୟାଗ୍‌ଗ୍ରାଉଣ୍ଡ ମ୍ୟୁଜିକ୍‌କୁ ଦର୍ଶକ ଖୁବ ପସନ୍ଦ କରୁଥିବା ଦେଖିବାକୁ ମିଳୁଛି । ଟିଜରର ପ୍ରଥମରୁ ଥିବା ଡାଇଲଗ୍‌ ବିଶେଷଭାବେ ଭାଇରାଲ ହେଉଛି । ଫିଲ୍ମର ନିର୍ଦ୍ଦେଶନା ଆଦିତ୍ୟ ଧର ଦେଇଥିବାବେଳେ ଫିଲ୍ମଟି ଜିଓ ଷ୍ଟୁଡିଓ ବ୍ୟାନ୍‌ରରେ ପ୍ରସ୍ତୁତ ହୋଇଛି । ଫିଲ୍ମଟି ଆସନ୍ତା ୫ ଡିସେମ୍ବରରେ ହଲ୍‌ରେ ରିଲିଜ୍‌ ହେବ ବୋଲି ସୂଚନା ମିଳିଛି । ରଣବୀର ସିଂ ଫିଲ୍ମକୁ ନେଇ ଖୁବ ଉତ୍ସାହିତ ଥିବା ତାଙ୍କ ସୋସିଆଲ ମିଡିଆରୁ ଜଣା ପଡୁଛି । ତାଙ୍କ ଇନ୍‌ଷ୍ଟାଗ୍ରାମ ଆକାଉଣ୍ଟରେ କେବଳ ଗୋଟିଏ ଏହି ଫିଲ୍ମର ପୋଷ୍ଟ ଥିବା ଦେଖିବାକୁ ମିଳୁଛି । ସେ ନିଜ ଆକାଉଣ୍ଟରୁ ଅନ୍ୟ ସମସ୍ତ ପୋଷ୍ଟ ଡିଲିଟ୍‌ କରିଥିବା ଦେଖିବାକୁ ମିଳିଛି । ଏହା ଫିଲ୍ମକୁ ହିଟ୍‌ କରିବାକୁ ଏକ ପ୍ରକାର ପବ୍ଲିସିଟି ଷ୍ଟଣ୍ଟ ହୋଇଥାଏ ପାରେ ବୋଲି ଆଲୋଚନା ହେଉଛି ।

Govt

Comments are closed.