ଦିଲ୍ଜିତ୍ ଦୋସାଞ୍ଜାଙ୍କର ଫିଲ୍ମ ସରଦାର ଜୀ ୩କୁ ନେଇ ଖୁବ ବାଦ ବିବାଦ ଦେଖିବାକୁ ମିଳୁଛି । ଏଥିରେ ପାକ ଅଭିନେତ୍ରୀଙ୍କ ଅଭିନୟକୁ ନେଇ ବିବାଦରେ ଅଛନ୍ତି ଦିଲ୍ଜିତ । ତେବେ ଏହି ବିବାଦରେ ମୁହଁ ଖୋଲିଛନ୍ତି ସିଙ୍ଗର ଆଦିତ୍ୟ ନାରାୟଣ । ସେ ଦିଲ୍ଜିତଙ୍କୁ ସମାଲୋଚନା କରୁଥିବାର ଦେଖିବାକୁ ମିଳିଛି । କ୍ୟାରିୟର ପାଇଁ ସେ କେବେ ବି ଦେଶକୁ ପଛରେ ପକାଇବେ ନାହିଁ ବୋଲି ମତ ଦେଇଛନ୍ତି । ଦିଲଜିତ୍ଙ୍କ ସ୍ଥାନରେ ସିଏ ଥିଲେ ଦେଶକୁ ପ୍ରଥମେ ଚୟନ କରିଥାଆନ୍ତେ ବୋଲି ଆଦିତ୍ୟ ତାଙ୍କ ମତରେ କହିଛନ୍ତି । ସେ ଜଣେ ଦେଶଭକ୍ତ ଓ ଅନ୍ୟ ଦେଶ ଆମ ଦେଶକୁ କ୍ଷତି ପହଞ୍ଚାଉଛି ତେଣୁ ତାକୁ ବିରୋଧ କରିବାକୁ ସେ କେବେ ହେଲେ ପଛଘୁଞ୍ଚା ଦେବେ ନାହିଁ ବୋଲି ଆଦିତ୍ୟ ପ୍ରକାଶ କରିଛନ୍ତି । ସେହିଭଳି ସେ ଦିଲଜିତ୍ଙ୍କର ନିଷ୍ପତ୍ତିକୁ ନିନ୍ଦା କରିଛନ୍ତି । ମୋ ଦେଶବାସୀଙ୍କ ଭଲପାଇବା ପାଇଁ ହିଁ ସେ ଷ୍ଟାର ହୋଇଛନ୍ତି, ତେଣୁ ତାଙ୍କର ସବୁ ନିଷ୍ପତ୍ତିରେ ଦେଶ ଆଗରେ ରହିବ ବୋଲି ଆଦିତ୍ୟ ମତ ଦେଇଛନ୍ତି ।
Comments are closed.