ନିଜର ଅଭିନୟର ଯାଦୁରେ ସେ ତିଆରି କରିଛନ୍ତି ନିଜ ପାଇଁ ଏକ ସ୍ୱତନ୍ତ୍ର ଫ୍ୟାନ୍ବେଶ୍ । ପଞ୍ଚାୟତ ୱେବସିରିଜ୍ ରେ ତାଙ୍କର ନିଖୁଣ ଅଭିନୟ ପାଇଁ ତାଙ୍କୁ ସୋସିଆଲ ମିଡିଆରେ ଟ୍ୟାଗ୍ ମିଳିଛି ୱେବସିରିଜ୍ କୁଇନ୍ ସାନ୍ଭିକା ।
ନିକଟରେ ୱେବ ସିରିଜ୍ ପଞ୍ଚାୟତକୁ ନେଇ ଖୁବ ଚର୍ଚ୍ଚା ଜାରି ରହିଛି । ଏଥିରେ ଅଭିନୟ କରିଥିବା ସମସ୍ତ ଷ୍ଟାରକାଷ୍ଟଙ୍କର ଅଭିନୟ ଖୁବ ଉଚ୍ଚକୋଟିର ହୋଇଛି । ଏହାର ପ୍ରତିଟି ଚରିତ୍ରକୁ ଦର୍ଶକ ଖୁବ ଭଲପାଇବା ଦେଉଥିବାର ଦେଖିବାକୁ ମିଳୁଛି । ତେବେ ସବୁ ଚରିତ୍ର ମଧ୍ୟରେ ରିଙ୍କି ଦୁବେ ଚରିତ୍ର ଖୁବ ପରିଚିତ । ଏଥିରେ ଅଭିନୟ କରିଛନ୍ତି ସାନଭିକା ପୁଜା ସିଂ । ତାଙ୍କର ନିଖୁଣ ଅଭିନୟ ଦର୍ଶକଙ୍କୁ ଖୁବ ପସନ୍ଦ ଆସିଛି, ସମସ୍ତଙ୍କୁ ତାଙ୍କ ଚରିତ୍ର ବେଶ୍ ନିଆରା ଲାଗିଛି । ୨୦୨୦ରେ ରିଲିଜ୍ ହୋଇଥିବା ଏହି ସିରିଜ୍ ବର୍ତ୍ତମାନ ପର୍ଯ୍ୟନ୍ତ ଚାରୋଟି ସିଜିନ୍ରେ ପହଞ୍ଚି ସାରିଛି । ଏହାର ପ୍ରତିଟି ସିଜିନ୍କୁ ଦର୍ଶକ ଖୁବ ଭଲ ପାଇବା ଦେଇଥାଆନ୍ତି । ସୋସିଆଲ ମିଡିଆରେ ଏହି ସିରିଜ୍ର ବେଶ୍ ଚର୍ଚ୍ଚା କରାଯାଇଥାଏ । ସାନଭିକାଙ୍କର ରିଙ୍କି ଚରିତ୍ରର ଅନେକ କ୍ରେଜ ଦେଖିବାକୁ ମିଳିଥାଏ । ତେବେ ସାନଭିକାଙ୍କୁ କେବଳ ପଞ୍ଚାୟତ ୱେବ ସିରିଜ୍ ନୁହେଁ ଏହା ସହିତ ଆହୁରି ଦୁଇଟି ୱେବ ସିରିଜ୍ରେ ମଧ୍ୟ ଦେଖିବାକୁ ମିଳିଛି । ପଞ୍ଚାୟତ ପରେ ତାଙ୍କୁ ୱେବସିରିଜ୍ ପ୍ଲାନ୍ ଏ ପ୍ଲାନ୍ ବି ଓ ଲକ୍ଷନ୍ ଲୀଲା ଭାରଗଭ୍ ସିରିଜ୍ରେ ଦେଖିବାକୁ ମିଳିଛି । ଉଭୟ ୱେବ ସିରିଜ୍ ଓଟିଟି ପ୍ଲାଟ ଫର୍ମରେ ପ୍ରସାରିତ ହେଉଛି । ଏଗୁଡିକରେ ମଧ୍ୟ ତାଙ୍କର ନିଖୁଣ ଅଭିନୟ ଦର୍ଶକ ଦେଖିବାକୁ ପାଇଛନ୍ତି, ଯାହାର ପ୍ରଶଂସା ଖୁବ ହେଉଛି । ୧୯୯୦ରେ ମଧ୍ୟପ୍ରଦେଶରେ ସାନଭିକାଙ୍କର ଜନ୍ମ ହୋଇଥିଲା । ପିଲାଦିନୁ ତାଙ୍କର ନୃତ୍ୟ ପ୍ରତି ଖୁବ ଆଗ୍ରହଥିଲା । ଇଲୋକ୍ଟ୍ରୋନିକ ଓ କମ୍ୟୁନିକେସନ୍ରେ ଡିଗ୍ରୀ ହାସଲ କରିବା ପରେ ନିଜ ଭାଗ୍ୟ ଅଭିନୟରେ ପରୀକ୍ଷା କରିବାକୁ ନିଷ୍ପତ୍ତି ନେଇଥିଲେ ସାନ୍ଭିକା । ପାଠପଢା ସରିବା ପରେ ସେ ଅନେକ ସମୟରେ ସାଙ୍ଗସାଥୀଙ୍କ ସହିତ ଥିଏଟର ଯାଇଥାଆନ୍ତି, ଯେଉଁଠାରେ ତାଙ୍କର ଅଭିନୟ ପ୍ରତି ଦୁର୍ବଳତା ଆସିଥିଲା, ଏବଂ ସେ ଏଥିରେ କ୍ୟାରିୟର କଥା ଭାବିଥିଲେ । ସେହିଭଳି ଚାକିରି କରିବା ତାଙ୍କର ପସନ୍ଦ ନଥିବାରୁ ସେ ଜୀବନରେ କିଛି ଭିନ୍ନ କରିବାକୁ ନିଷ୍ପତ୍ତି ନେଇଥିଲେ । ଏହାପରେ ସେ ଅଭିନୟକୁ କ୍ୟାରିୟର କରିବାକୁ ବାଛିଥିଲେ । ଏହାପରେ ସେ ମୁମ୍ବାଇ ଆସିଥିଲେ ଏବଂ ଅଭିନୟରେ ନିଜ ଭାଗ୍ୟ ପରୀକ୍ଷା କରିବା ଆରମ୍ଭ କରିଥିଲେ । ଏହି ସମୟରେ ତାଙ୍କର ଜଣେ ସାଙ୍ଗ ତାଙ୍କୁ ଖୁବ ସାହାଯ୍ୟ କରିଥିଲେ । ସାନ୍ଭିକାଙ୍କର ଏହି ସାଙ୍ଗ ମଧ୍ୟ ମୁମ୍ଭାଇରେ ଅଭିନୟ ଶିକ୍ଷା କରୁଥିଲେ, ଯିଏ ତାଙ୍କୁ ସାହାଯ୍ୟ କରିଥିଲେ । ପଞ୍ଚାୟତ ଭଳି ବଡ ବ୍ରେକ ପାଇବା ଆଗରୁ ସେ ଅନେକ ପରିଶ୍ରମ କରିଛନ୍ତି । ସେ ଏକାଧିକ ଥର ବିଭିନ୍ନ ଚରିତ୍ରପାଇଁ ଅଡିସନ ଦେଇଥିଲେ । ଅଡିସନର ଲମ୍ବା ଲାଇନ୍ରେ ଠିଆ ହୋଇ ଅନେକ ରିଜେକସନ୍କୁ ସାମନା କରିଛନ୍ତି । ଅନେକ ପରିଶ୍ରମ ଓ ଚେଷ୍ଟା ପରେ ସେ ଅଭିନୟ କରିବାର ଚାନ୍ସ ପାଇଥିଲେ । ତେବେ ପଞ୍ଚାୟତ ସିରିଜ୍ରେ ଅଭିନୟ ପାଇଁ ତାଙ୍କୁ ଖୁବ ରୋଚକ ଭାବେ ଚାନ୍ସ ମିଳିଥିଲା । ସେ ଏକ ବିଜ୍ଞାପନର ଅଡିସନ ଦେବାପାଇଁ ଯାଇଥିଲେ । ସେଠାରେ ଧାଡିରେ ଅପେକ୍ଷା କରିବା ସମୟରେ ତାଙ୍କୁ ଆଉ ଏକ ଅଡିସନରେ ଭାଗନେବାର ସୁଯୋଗ ମିଳିଲା, ଯାହା ଥିଲା ପଞ୍ଚାୟତ ସିରିଜ୍ । ତେବେ ସେ କେବେ ଭାବିନଥିଲେ ତାଙ୍କୁ ଏଥିରେ ଅଭିନୟ କରିବାର ସୁଯୋଗ ମିଳିବ । ହେଲେ ତାଙ୍କର ଅଡିସନ ଭଲ ହୋଇଥିଲା ଏବଂ ତାଙ୍କୁ ପଞ୍ଚାୟତ ସିରିଜ୍ରେ ଅଭିନୟ କରିବାର ସୁଯୋଗ ମିଳିଥିଲା । ଏହା ତାଙ୍କ କ୍ୟାରିୟରର ଟର୍ଣ୍ଣିଂ ପଏଣ୍ଟ ସାଜିଥିଲା । ଆଗକୁ ଆହୁରି ଭଲଭଲ ପ୍ରୋଜେକ୍ଟ ରେ କାମ କରିବାର ଇଚ୍ଛା ରଖିଛନ୍ତି ସାନଭିକା ।

Comments are closed.