ନୂଆ ସିନେମାରେ ସାରା

ସାରା ଅଲ୍ଲୀ ଖାନ୍‌ ନିଜର ନିଖୁଣ ଅଭିନୟ ଓ ଚୁଲ୍‌ବୁଲି ଅନ୍ଦାଜ ପାଇଁ ସବୁବେଳେ ଚର୍ଚ୍ଚାରେ ରହିଥାଆନ୍ତି । ତାଙ୍କୁ ଅନେକ ହିଟ୍‌ ସିନେମାରେ ଦେଖିବାକୁ ମିଳିଛି । ତେବେ ବର୍ତ୍ତମାନ ସାରା ନିଜର ନୂଆ ପ୍ରୋଜେକଫକୁ ନେଇ ଚର୍ଚ୍ଚାରେ ଅଛନ୍ତି । ଖୁବଶୀଘ୍ର ତାଙ୍କୁ ଏକ ନୂଆ ସିନେମାରେ ଦର୍ଶକ ଦେଖିବାକୁ ପାଇବେ । ମିଳିଥିବା ସୂଚନା ଅନୁସାରେ ସାରାଙ୍କୁ ଏହି ସିନେମାରେ ଦର୍ଶକ ଆୟୁଷ୍ମାନ ଖୁରାନାଙ୍କ ସହିତ ଦେଖିବାକୁ ପାଇବେ । ପୂର୍ବରୁ ଆୟୁଷ୍ମାନଙ୍କୁ ଏହି ଫିଲ୍ମପାଇଁ ଫାଇନାଲ କରାଯାଇଥିଲା ଏହାପରେ ବର୍ତ୍ତମାନ ସାରାଙ୍କୁ ଫିମେଲ ଲିଡ୍‌ ଭାବେ ସାଇନ୍‌ କରାଯାଇଛି । ଏହା ଏକ କମେଡି ଫିଲ୍ମ ବୋଲି ଜଣା ପଡିଛି । ଫିଲ୍ମର ନିର୍ଦ୍ଦେଶନା ଦାୟିତ୍ୱ ମୁଦଶର୍‌ ଅଜିଜ୍‌ ନେଇଛନ୍ତି । ଫିଲ୍ମର କାହାଣୀ ଖୁବ ସୁନ୍ଦର ରହିଛି ବୋଲି ମେକର୍ସ ପ୍ରକାଶ କରିଛନ୍ତି । ତେବେ ଏହାର ଟାଇଟଲ ନେଇ କୌଣସି ସୂଚନା ନାହିଁ । ଆୟୁଷ୍ମାନ ଓ ସାରାଙ୍କ ବ୍ୟତିତ ଅନ୍ୟ କିଛି ବଡ ଷ୍ଟାରଙ୍କୁ ମଧ୍ୟ ଏଥିରେ ଦେଖିବାକୁ ମିଳିପାରେ ବୋଲି ଚର୍ଚ୍ଚା ହେଉଛି ।

Govt

Comments are closed.