ନୂଆଦିଲ୍ଲୀ> ଚୀନ୍ ରାଷ୍ଟ୍ରପତି ସି ଜିନପିଙ୍ଗ ଆସନ୍ତା ମାସ ବ୍ରାଜିଲରେ ହେବାକୁ ଥିବା ବ୍ରିକ୍ଦ ସମ୍ମିଳନୀରେ ଯୋଗ ଦେବେନାହିଁ। ଦୀର୍ଘ ୧୨ ବର୍ଷ ମଧ୍ୟରେ ଜିନପିଙ୍ଗ ବ୍ରିକ୍ସ ସମ୍ମିଳନୀରେ ପ୍ରଥମ ଥର ପାଇଁ ଅନୁପସ୍ଥିତ ରହିବେ । ସାଉଥ୍ ଚାଇନା ମର୍ଣ୍ଣିଂ ପୋଷ୍ଟ୍ର ଏକ ରିପୋର୍ଟ ଅନୁଯାୟୀ ହଂକଂର ରିଓ ଡି ଜେନେରୋରେ ଅନୁଷ୍ଠିତ ହେବାକୁ ଥିବା ବ୍ରିକ୍ସ ସମ୍ମିଳନୀରେ ଜିନପିଙ୍ଗଙ୍କ ପରିବର୍ତ୍ତେ ପ୍ରଧାନମନ୍ତ୍ରୀ ଲି କିଆଙ୍ଗ ସମ୍ମିଳନୀରେ ଅଂଶଗ୍ରହଣ କରିବେ ବୋଲି କୁହାଯାଉଛି। ଉଲ୍ଲେଖଯୋଗ୍ୟ, ଜୁଲାଇ ୬-୭ରେ ହେବାକୁ ଥିବା ବ୍ରିକ୍ସ ସମ୍ମିଳନୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଂଶଗ୍ରହଣ କରିବେ ବୋଲି ଆଶା କରାଯାଉଛି। ବ୍ରାଜିଲ ବ୍ରିକ୍ସ ସମ୍ମିଳନୀ ପରେ ପ୍ରଧାନମନ୍ତ୍ରୀ ମୋଦୀଙ୍କ ପାଇଁ ସ୍ବତନ୍ତ୍ର ରାଷ୍ଟ୍ରୀୟ ଭୋଜ ନିମନ୍ତ୍ରଣ କରିବା ଖବର ପ୍ରଘଟ ହେବାରୁ ଏହି କାରଣ ପାଇଁ ଜିନପିଙ୍ଗ ବୈଠକରେ ଅଂଶଗ୍ରହଣ କରିବାକୁ ଅନିଚ୍ଛା ପ୍ରକାଶ କରିଥିବା ଜଣାପଡ଼ିଛି। କୂଟନୈତିକ ସୂତ୍ରରୁ ଜଣାପଡ଼ିଛି ଯେ ଚୀନ୍ ଏବେ ଏସ୍ସିଓ ସମ୍ମିଳନୀ ଉପରେ ଅଧିକ ଫୋକସ୍ କରୁଛି। ବ୍ରିକ୍ସରେ ବ୍ରାଜିଲ, ରୁଷ୍, ଭାରତ, ଚୀନ୍ ଏବଂ ଦକ୍ଷିଣ ଆଫ୍ରିକା ଅଛନ୍ତି। ଅନ୍ୟ ୫ ଅତିରିକ୍ତ ସଦସ୍ୟ ଇଜିପ୍ଟ, ଇଥିଓପିଆ, ଇରାନନ, ସାଉଦି ଆରବ ଏବଂ ୟୁଏଇ ସହ ଏହା ପରିବର୍ଦ୍ଧିତ ହୋଇଛି।
Comments are closed.