କଟକ : କଟକରେ ୨ ଟି ପାଣି ପାଉଚ କମ୍ପାନୀ ସିଲ । ଶଙ୍କରପୁର ଉପର ସାହି ଏବଂ ଦାସ ସାହିରେ ଥିବା ୨ ଟି ପାଣି ପାଉଚ କମ୍ପାନୀକୁ ସିଲ କଲା ସିଏମସି ସ୍ୱାସ୍ଥ୍ୟ ବିଭାଗ । ପାଣିକୁ ବିଶୁଦ୍ଧ କରା ନଯାଇ ବଜାରକୁ ଛଡା ଯାଉଥିବା ଅଭିଯୋଗ ଆସିବା ପରେ ଏହି ପଦକ୍ଷେପ ନେଇଛି କଟକ ସ୍ୱାସ୍ଥ୍ୟ ବିଭାଗ । ଲୋକମାନେ ବିଶୁଦ୍ଧ ପାଣି ନ ପିଉଥିବାରୁ ଡାଇରିଆ ବ୍ୟାପୁଥିବା ସୂଚନା ମିଳିଛି । ଗୋଟେ ପଟେ ଡାଇରିଆ ବ୍ୟାପିବାର ଚିନ୍ତା ଅନ୍ୟପଟେ ଲିଟର ଲିଟର ପାଣି ବିଶୁଦ୍ଧ ନକରି ଲୋକଙ୍କୁ ଦିଆଯାଉଛି । ଯାହା ସ୍ୱାସ୍ଥ୍ୟବିଭାଗର ଚିନ୍ତାର କାରଣ ପାଲଟିଛି ।
ଯାଜପୁର ଜିଲ୍ଲାରୁ ଡାଇରିଆ ଆରମ୍ଭ ହୋଇ ରାଜ୍ୟର ବିଭିନ୍ନ ଜିଲ୍ଲାକୁ ବ୍ୟାପିବାରେ ଲାଗିଛି। ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବଢ଼ି ସ୍ଥିତି ଅଣାୟତ୍ତ ହେଲାଣି । ସେଥିପାଇଁ ସବୁ ଜିଲ୍ଲାକୁ ସତର୍କ ରହିବାକୁ ନିର୍ଦ୍ଦେଶ ଦିଆଯାଇଛି ।
Comments are closed.