କିଛି ଦିନ ତଳେ ଟେଲିଅଭିନେତ୍ରୀ ସନା ମକବୁଲଙ୍କର ଏକ ଫଟୋ ଖୁବ ଭାଇରାଲ ହୋଇଥିଲା । ଏଥିରେ ସେ ହସ୍ପିଟାଲରେ ଥିବା ଦେଖିବାକୁ ମିଳିଥିଲା । ତେବେ ସେତେବେଳେ ସନାଙ୍କର ରୋଗ ସମ୍ପର୍କରେ କୌଣସି ତଥ୍ୟ ନଥିଲା । ହେଲେ ବର୍ତ୍ତମାନ ଏକ ପୋଷ୍ଟରେ ସନା ଏନେଇ ତଥ୍ୟ ଦେଇଛନ୍ତି । ତାଙ୍କୁ ଲିଭର ସିରୋସିସ୍ ହୋଇଥିବା ନେଇ ସେ ପ୍ରକାଶ କରିଛନ୍ତି । ସେ କିଛି ଦିନ ହେବ ଅଟୋଇମ୍ୟୁନ୍ ହେପାଟାଇଟିସ୍ରେ ପୀଡିତ ହୋଇ ଚିକିତ୍ସାଧୀନ ଅଛନ୍ତି । ବର୍ତ୍ତମାନ ତାଙ୍କୁ ଲିଭର ସିରୋସିସ୍ ହୋଇଥିବା ଜଣା ପଡିଛି । ଏଭଳି କଠିନ ପରିସ୍ଥିତିରେ ବି ସେ ନିଜକୁ ଷ୍ଟ୍ରଙ୍ଗ୍ କରି ରୋଗ ସହ ଲଢୁଛନ୍ତି । ତାଙ୍କ ସହିତ ତାଙ୍କ ପରିବାର ରହିଛନ୍ତି, ଯେଉଁମାନଙ୍କ ଭଲ ପାଇବା ତାଙ୍କୁ ସୁସ୍ଥ କରିବାରେ ବିଶେଷଭାବେ ସହାୟକ ହେଉଥିବା ସେ ପ୍ରକାଶ କରିଛନ୍ତି । ଏହି ଖବର ଜଣା ପଡିବା ପରେ ତାଙ୍କ ଫ୍ୟାନଙ୍କ ସହିତ ଅନ୍ୟ ସେଲିବ୍ରିଟିମାନେ ସନାଙ୍କର ଆଶୁ ଆରୋଗ୍ୟ କାମନା କରିଛନ୍ତି ।
Comments are closed.